Qaraǵandy oblysynda terezeden qulaǵan eki bala aýyr halde jatyr
QARAǴANDY. QazAqparat – Qaraǵandy oblysynda eki bala terezeden qulap ketti. Biri - tórt jasar bolsa, ekinshisiniń jasy - ekide. Dárigerler olardyń jaǵdaıyn aýyr dep baǵalap otyr, dep habarlaıdy QazAqparat tilshisi.
Tórt jasar bala Balqash qalasynda besinshi qabattan qulap ketken. Búldirshin jansaqtaý bóliminde jatyr. Dárigerler onyń jaǵdaıyn aýyr dep baǵalaýda.
«Bala besinshi qabattyń terezesinen qulaǵan, aýyr jaraqat aldy. Shuǵyl túrde ota jasaldy, kókbaýyry alynyp tastaldy. Qazirgi ýaqytta jansaqtaý bóliminde jatyr. Jaǵdaıy aýyr, biraq turaqtandy. Búgin beti beri qaraı bastady», - dedi H.Maqajanov atyndaǵy travmatologııa jáne ortopedııa klınıkasy ahýaldyq ortalyǵynyń meńgerýshisi Erik Shonbaev.
Búgin Qaraǵandyda ekinshi qabattaǵy páterdiń terezesinen 2018 jylǵy bala qulap ketti. Qaıǵyly oqıǵa 9:55-te boldy. Kishkentaı qyz klınıkalyq balalar aýrýhanasyna jatqyzyldy.
Bul - osy jyly oblysta bolǵan besinshi jaǵdaı. Byltyr oblys boıynsha 20 bala terezeden qulasa, sonyń tórteýi mert boldy.
