Qaraǵandy oblysynda teplovoz radıatorlaryn urlaǵandar ustaldy
ASTANA. QazAqparat - Kólik polıtseıleri quny 1 mln teńgeden asatyn teplovoz radıatorlaryn urlady degen kúdikpen bir top adam ustaldy, dep habarlaıdy «QazAqparat» HAA Kóliktegi ishki ister departamentiniń baspasóz qyzmetine silteme jasap.
Jelilik ishki ister bóliminiń qyzmetkerleri jedel-izdestirý sharalary barysynda Qaraǵandy-Sortırovochnaıa stansasynda Balqash stansasynyń Lokomotıv paıdalaný deposyna tıesili 14 teplovoz radıatoryn urlady degen kúdikpen Qaraǵandy oblysynyń 1975,1979,1989 jáne 1990 jyly týǵan tórt turǵynyn ustady.
Kólik polıtseıleri tekserister kezinde urlanǵan radıatorlardy kúdiktilerdiń avtomashınasynan tapqan.
Keltirilgen zalal 1 000 000 teńgeden asyp jyǵylady.
Ustalǵandar aıybyn moıyndaǵan. Zattaı aıǵaqtar alyndy.
Osy fakti Sotqa deıingi tergep-tekserýlerdiń biryńǵaı tizilimine QR QK 188-babynyń 2-bóligimen («Adamdar tobynyń aldyn ala sóz baılasýymen jasalǵan urlyq») tirkeldi.
Tergeý júrip jatyr.
