Qaraǵandy oblysynda teplovoz avtobýspen soqtyǵysty: 17 adam zardap shekti (FOTO)
ASTANA. QazAqparat - Qaraǵandy oblysynda teplovozdyń avtobýspen soqtyǵysýynan 17 adam zardap shekti. Oqıǵa Sátbaev qalasynda rettelmeıtin temirjol ótkelinde boldy. Onda qyzmettik avtobýs ben teplovoz soqtyǵysty.
Oblystyq ishki ister departamenti baspasóz qyzmetiniń jetekshisi Baqytjan Qudııarovtyń habarlaýynsha, jol-kólik oqıǵasy sársenbi kúni, 10 tamyzda 16 saǵat 00 mınýtta boldy, dep habarlady Vesti.ru.
Onyń aıtýynsha, 17 adam apattan keıin aýrýhanaǵa jetkizilgen, sonyń ishinde mashınıst pen onyń kómekshisi de bar. «Qurban bolǵandar joq», - dedi Qudııarov.
Respýblıka Qylmystyq kodeksiniń «Jol qozǵalysy erejelerin buzý nemese abaısyzda adam densaýlyǵyna ortasha dárejede zııan keltirýge ákep soqqan kólik quraldaryn paıdalaný» baby boıynsha sotaldy tergeý sharalary júrgizilýde.
Tergeý barysynda tıisti saraptamalar júrgiziledi.
