Qaraǵandy oblysynda temeki tuqylyn tastaǵany Germanııa azamatyna aıyppul salyndy
QARAǴANDY. QazAqparat - Abaı qalasynda kóshege temeki tuqylyn tastaǵany úshin Germanııa azamatyna aıyppul salyndy, dep habarlaıdy «QazAqparat» HAA tilshisi.
«Sot qaýlysymen Germanııa azamaty Ákimshilik quqyq buzýshylyq týraly kodekstiń 434-baby 1-bóliminde qarastyrylǵan «usaq buzaqylyq» boıynsha quqyq buzýshylyqqa aıypty dep tanylyp otyr. Sheteldik azamat 10 aılyq eseptik kórsetkish kóleminde ákimshilik aıyppul tóleý jazasyna tartyldy», - dep habarlady Abaı aýdandyq sotynyń baspasóz qyzmeti.
Aıyppuldy sheteldik azamat Germanııaǵa ketkenshe tóleýge mindetti.
Aıta keteıik, Ákimshilik quqyq buzýshylyq týraly kodekske sáıkes, ortaq qoldanystaǵy jerlerdi, saıabaqtardy lastaý jáne belgilenbegen jerlerge kommýnaldyq qaldyqtar tastaý, sondaı-aq, qoǵam men qoǵamdyq tártipti qurmettemeýdi kózdeıtin taǵy basqa áreketterge ákimshilik jaýapkershilik qarastyrylǵan.
