Qaraǵandy oblysynda tegin úıirmelerge qosymsha 1400-ge jýyq oryn bólindi

QARAǴANDY. QazAqparat – Qaraǵandy oblysynda balalardy qosymsha bilimmen qamtý kólemi ulǵaıdy. Óńirde úıirmeler men sektsııalarǵa taǵy 1397 tegin oryn bólingen, dep habarlaıdy QazAqparat tilshisi.

Balalar kompıýterlik saýat, 3D modeldeý jáne robototehnıka boıynsha sabaqtarǵa qatysa alady, ózderin ekobıologtar men týrıster rólinde synap kóre alady, ne bolmasa sándik-qoldanbaly ónerde shyǵarmashylyq qabiletterin júzege asyra alady.

Oblystaǵy bilim berý salasy boıynsha memlekettik tapsyrysty ornalastyrý jumystary jyl basynan beri júrgizilip keledi. Qańtar aıynda tegin úıirmeler jáne sektsııalarmen 963 bala qamtyldy. Tamyz aıynda úlken suranysqa baılanysty qarjylandyrý jalǵasyn tapty.

Myna uıymdarda qosymsha 1397 tegin oryn bólindi:

1. Buqar jyraý aýdany Doskeı aýylynyń «Mıras» balalar óner mektebiniń «Qos alqa» úıirmesinde sándik-qoldanbaly ónermen aınalysýǵa 165 oryn.

2. Buqar jyraý aýdanynyń «Rýhanııat» qosymsha bilim berý ortalyǵynyń ekobıologııa úıirmesinde – 195 oryn.

3. 258 oryn – «ITSTEP ACADEMY KRG» JShS janyndaǵy «Shaǵyn kompıýterlik akademııa» úıirmesinde (Qaraǵandy q.).

4. «Logic-soft» JShS-de (Qaraǵandy q.) robototehnıkamen jáne 3D-modeldeýmen aınalysý úshin – 275 oryn.

5. 217 oryn – «Sanasoft co.» JShS-de (Qaraǵandy q.) kompıýterlik saýattylyq negizderin úırený úshin.

6. Osakarov aýdanynyń «Jastar» balalar-jasóspirimder ortalyǵynda «Jas patrıot» áskerı-patrıottyq sektsııasyna tartý úshin – 5 oryn.

7. Temirtaý jastar klýbynda «Qazaqstan Patrıottary» áskerı-patrıottyq sektsııasynda 142 oryn.

8. «Ekotýrızm», «Jaıaý týrızm», «Alpınızm», «Velotýrızm» sektsııalarynda jáne Qarqaraly aýdanynyń jas týrıster stantsııasy bazasynda bolashaq dızaınerlerdiń úıirmesinde sabaq ótkizý úshin – 140 oryn.

Balany atalǵan úıirmeler men sektsııalarǵa tegin jazý úshin e-daryn.kz aqparattyq júıe arqyly nemese tikeleı uıymnyń ózinde ótinim berý qajet.