Qaraǵandy oblysynda tasqyn sý shaıyp ketken joldardy jóndeý jumystary bastaldy

NUR-SULTAN. QazAqparat – Qaraǵandy oblysy Abaı aýdanyndaǵy 4 aýylda kóktemgi tasqyn saldarynan buzylǵan joldardy jóndeý maqsatynda tótenshe jaǵdaı jarııalandy.

Bul týraly aýdan ákimi Murat Maǵzınniń tıisti qaýlysy shyqty, dep habarlaıdy QazAqparat tilshisi.

«Qaraǵandy oblysy Abaı aýdanynyń Qoıandy, Qulaaıǵyr, Taszaımka, Jumabek aýyldarynda jergilikti aýqymdaǵy tabıǵı sıpattaǵy tótenshe jaǵdaı jarııalansyn», - delingen qaýlyda.

Bul sheshimge baılanysty Abaı aýdany ákimdiginiń baspasóz hatshysy túsinikteme berdi.

«Kóktem mezgilinde erigen qar sýy aıtylǵan aýyldardyń joldaryn shaıyp ketti. Tasqyn saldarynan jalpy sany 4 jol opyrylyp ketken. Qazirgi kezde jóndeý jumystary bastaldy. Joldar qyrkúıek aıynyń basynda qaıta paıdalanýǵa beriledi dep josparlanyp otyr. Osy jumystardy ótkizý maqsatynda eldi mekenderde tótenshe jaǵdaı jarııalandy», - dep túsinikteme berdi Abaı aýdany ákimdiginiń baspasóz hatshysy Olga Tsoı.

Aıta keteıik, búgin Atyraý oblysyndaǵy jolaq syzyǵy qısyq jol týraly habarlaǵan edik.