Qaraǵandy oblysynda talshyqty optıkalyq baılanys jelileriniń qurylysy aıaqtaldy
Pıonerskoe aýylyna ornatylǵan bazalyq stantsııa tek osy aýyldy ǵana emes, sonymen birge jaqyn mańda ornalasqan Tsentralnoe aýylynda joǵary jyldamdyqtaǵy Internet baılanysymen qamtýǵa múmkindik beredi. Memlekettik-jekemenshik áriptestik negizinde elimizdiń iri baılanys operatorlary iske asyryp jatqan «optotalshyq» qurylysynyń nátıjesinde óńirge 876 km. Talshyqty optıkalyq baılanys jelileri (TOBJ) tóselip, 36 aýyl (barlyǵy 121 aýrýhana, mektep, ákimdik) keńjolaqty Internetpen qamtyldy.
Aýyldardy TOBJ tehnologııasy boıynsha jyldamdyǵy joǵary Internetpen qamtamasyz etý jobasy 2018 jyly bastalyp, elimizdiń tórt óńirinde: Batys Qazaqstan, Atyraý jáne Pavlodar oblystarynda tolyǵymen aıaqtalǵanyn aıtyp ótken jón. Búgin olardyń qataryna Qaraǵandy oblysy qosyldy.
Baǵdat Mýsınniń aıtýynsha, elimizdegi iri ónerkásip oshaqtary kóp óńirdiń birinde «optotalshyq» tóseý jumystaryn aıaqtaý óńirler arasyndaǵy tsıfrlyq teńsizdikti joıýǵa yqpal etedi.
«Qazaqtelekom» AQ Basqarma tóraǵasy Qýanyshbek Esekeev, óz kezeginde TOBJ jobasyn odan ári iske asyrý nátıjelerimen jáne aldaǵy josparlarymen bólisti.
« Joba 2,5 myńǵa jýyq memlekettik mekeme jumys istep jatqan 828 aýylǵa derekterdi berýdiń barlyq tehnologııalarynyń arasynda sapasy eń joǵary jáne úzdiksiz baılanysty qamtamasyz etetin «optotalshyqty» jetkizýdi kózdeıdi. Ol úshin biz elimiz boıynsha 14,5 myń km baılanys jelisin tóseýdi josparlap otyrmyz. Búginde 12 myń km-den astam jeli tóselip, 632 aýyldyq eldimekende TOBJ-ǵa 1900-den astam mektep, aýrýhana, ákimdik, polıtsııa bólimsheleri jáne basqa da memlekettik mekemeler qosyldy « , - dedi Qýanyshbek Esekeev.
Bul joba qazaqstandyq aýyldardy uıaly baılanyspen jáne mobıldi ınternetpen qamtamasyz etýge baǵyttalǵan taǵy bir aýqymdy «250+» jobasyn iske asyrýǵa yqpal etedi. Baǵdat Mýsın osy ekinshi joba aıasynda Kcell uıaly baılanys operatorynyń Pıonerskoe aýylynda bazalyq stantsııany ornatý jumystarymen egjeı-tegjeıli tanysty. QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń basshysyn aýylda bazalyq stantsııa ornatylǵannan keıingi perspektıvalardan habardar etti.
Sonymen qatar, delegatsııa sapar barysynda Pıoner aýylyndaǵy balalar úıine baryp, kompıýterlik synyppen, Osakarov aýdanynyń qoǵamdyq qabyldaý bólmesiniń qyzmetimen tanysty.
Sapar barysynda Baǵdat Mýsın «Terrıkon alqaby» IT-hub jobasyn ázirleýshilermen kezdesti. Bul qazaqstandaǵy úzdik ázirleýshiler men IT-salasynyń mamandaryn biriktirgen biregeı joba.
« Osy joba aıasynda aınalysyp jatqan jumystaryńyzdyń bári –qazirgi ýaqytta óte ózekti. Men óz áriptesterimdi, tsıfrlandyrýshylar men jańashyldardy kórip turmyn. Bizdiń jastar óte kreatıvti jáne kelesheginen zor úmit kútemiz, degenmen olardyń jobalaryn júzege asyrýyna, ózin-ózi damytýyna jaǵdaı jasaý kerek. Mine osyndaı jobalar olarǵa kómektesedi. Ózderińiz biletindeı, elimizde Astana hub IT-startaptarynyń iri tehnoparki jumys isteıdi. Qazir ol 100%-ǵa tolyq. Olardyń startap bastamalaryn halyqaralyq sarapshylar da baǵalap úlgerdi. Qazir biz osyndaı bastamalardyń qajettiligin kórip otyrmyz, ıaǵnı siz durys baǵyt ustandyńyz « , - dep atap ótti Baǵdat Mýsın.
Joba jumysyn joǵary baǵalaǵan QR Tsıfrlyq damý, ınnovatsııalar jáne aeroǵarysh ónerkásibi mınıstriniń mindetin atqarýshy Baǵdat Mýsın bul bastamalardyń ásirese jastardyń «tsıfrlyq ıdeıalaryn damytýǵa aıtarlyqtaı serpin beretinine senim bildirdi.
