Qaraǵandy oblysynda taksı júrgizýshisin 25 myń teńge úshin óltirip, órtep jibergen
QARAǴANDY. QazAqparat - Qaraǵandy oblysynda taksı júrgizýshisin óltirýdi degen kúdikpen eki azamat ustaldy, dep habarlady aımaqtyq ІІD-niń baspasóz qyzmetinen.
«Qaraǵandy oblysyndaǵy Jartas kentine jaqyn jerde kele jatqan er adam dalada kólik órtenip jatqanyn baıqady da birden ýchaskelik ınspektorǵa habarlaıdy. «Mersedes Bents-124» kóliginiń júk salǵyshynda onyń ıesi bolǵan 47 jastaǵy er adamnyń órtengen denesi tabyldy», - delinedi habarlamada.
Polıtseıler bul aýyr qylmysty jasaǵandardy jedel qolǵa túsirdi. Eki kúdikti - buǵan deıin sottalǵan 19 jáne 23 jastaǵy eki er adam ustaldy.
«Ustalǵandar kinálaryn moıyndap, 14 qarashanyń túninde Dolınka kentinde kóliktiń ishinde otyryp, taksı júrgizýshisiniń jelkesine «OSA» travmatıkalyq tapanshasynan eki ret oq atyp, odan keıin moıynyna pyshaq salǵanyn aıtty. Qylmyskerler júrgizýshiniń ámııanyndaǵy 25 myń teńge men uıaly telefondy alyp ketken. Іzderin jasyrý maqsatymen qaskóıler júrgizýshini kóliktiń júk salatyn bóligine aparyp, kólikti jazyq dalaǵa aıdap áketip, ony órtep jibergen», - delinedi habarlamada.
Ustalǵandarǵa qatysty qylmystyq is qozǵalyp, tergeý amaldary júrgizilýde. Kúdiktiler ýaqytsha ustaý abaqtysyna qamaldy.
