Qaraǵandy oblysynda taǵy eki túıneme faktisi anyqtaldy
QARAǴANDY. QazAqparat - Qaraǵandy oblysyndaǵy zerthanalyq saraptama túıneme aýrýyna kúdikpen aýrýhanaǵa jatqyzylǵan úsh adamnyń da túıneme aýrýyna shaldyqqanyn anyqtady. Bul týraly oblys ákiminiń baspasóz qyzmeti habarlady.
«Úsharal qystaǵynyń eki turǵyny (A.Qapparova, D.Baıjumanov) «Oblystyq juqpaly aýrýlar aýrýhanasy» MKK jatyr. Úshinshi naýqas - Balqash qalasynyń turǵyny Balqash ortalyq aýrýhanasynda jatyr. Zerthanalyq saraptama úsheýinen de túıneme aýrýyn anyqtady», - delingen habarlamada.
16 tamyz kúni naýqastardyń ógiz soıyp, etin alypsatarlarǵa satqany belgili boldy. Qazirgi ýaqytta 70 keli ettiń qaldyǵy tabyldy jáne joıyldy. Baılanysqa túsken jandar kún saıyn medıtsınalyq baqylaýdan ótýde jáne aýrýdyń aldyn alý sharalary jasalýda.
