Qaraǵandy oblysynda taǵy eki bala terezeden qulap ketti
QARAǴANDY. QazAqparat - Qaraǵandy oblysynda sońǵy kúnderi qaraýsyz qalǵan balalardyń terezeden qulap ketý oqıǵasy besinshi ret tirkelip otyr, dep habarlaıdy QazAqparat tilshisi.
«2 shilde kúni Qaraǵandy qalasynyń 19 shaǵyn aýdanynda ata-anasynyń qaraýynsyz qalǵan eki jasar bala 8-qabattaǵy páterdiń terezesinen abaısyzda qulap ketip, jazym boldy. Budan tys, Jezqazǵanda da 2-qabattaǵy páterdiń terezesinen tórt jastaǵy bala qulap ketti. Ol qalanyń ortalyq aýrýhanasyna jyldam jetkizildi», - dep málimdedi Qaraǵandy oblystyq tótenshe jaǵdaılar departamentiniń ókilderi.
Sońǵy 5 kúnde balalardyń terezeden qulaý oqıǵasy osymen besinshi ret tirkelip otyr.
Eske sala keteıik, buǵan deıin Qaraǵandy, Abaı jáne Temirtaý qalalarynda da kishkentaı balalardyń terezeden abaısyzda qulap ketkeni týraly habarlanǵan bolatyn.
TJD ata-analardy balalardy erekshe qadaǵalap, saq bolýǵa shaqyrady.
