Qaraǵandy oblysynda taǵy 13 mektep NZM baǵdarlamasyn iske qosady
QARAǴANDY. QazAqparat - Jańa oqý jylynan bastap Qaraǵandy oblysynyń taǵy 13 mektebinde Nazarbaev Zııatkerlik mektepteriniń tájirıbesin taratý jumystary bastalady. Ótken oqý jylynda NZM baǵdarlamasyn 39 oqý ornynda paıdalana bastady. Bul týraly Qaraǵandy oblysy ákimdiginiń baspasóz qyzmeti habarlady.
Qaraǵandy oblysynyń bilim berýdi damytýdyń oqý-ádistemelik ortalyǵynan habarlaǵandaı, NZM oqytý baǵdarlamasy óziniń tıimdiligin kórsetip otyr.
«Muǵalimderdiń biliktiligi ósti, mektepter jańa oqý baǵdarlamalaryna kóshedi, munyń barlyǵy jaqsy nátıje beredi. Sondyqtan jańa oqý jylynda NZM baǵdarlamasy boıynsha jumys isteıtin mektepter sanyn kóbeıtý qajet dep sheshtik», - deıdi Qaraǵandy oblysynyń bilim berýdi damytýdyń oqý-ádistemelik ortalyǵy dırektorynyń tárbıe jumysy jónindegi orynbasary Gúlmıra Kópbaeva.
Jańa oqý jylynan bastap №33, №85, «Murager» mektepteri men Qaraǵandydaǵy №3
gımnazııa NZM tájirıbesin translıatsııalaý jumystaryn bastaıdy. Balqash qalasyndaǵy
№16 mektep, Sátbaev qalasyndaǵy Abaı atyndaǵy №4 mektep-lıtseıi, Shahtınsk
qalasyndaǵy № 11 mektep, Aqtoǵaı aýdany Saryshaǵan kentiniń mektebi, Buqar Jyraý
aýdanyndaǵy kerneevka orta mektebi, Qarqaraly aýdany Egindibulaq aýylyndaǵy № 5
mektep. Jańaarqa aýdanynda B. Amalbekova, Nura aýdanyndaǵy Kıev № 2 qazaq
mektebi jáne Shet aýdanyndaǵy Sh. Battalova atyndaǵy mektep,
Qaraǵandy oblysynda Nazarbaev Zııatkerlik mektepteriniń oqý baǵdarlamasyn 52
mektepte paıdalanatyn bolady.
