Qaraǵandy oblysynda tabys týraly deklaratsııasynda úıiniń bar ekenin jasyrǵan aýyl ákimine aıyppul salyndy
QARAǴANDY. 9 qazan. QazAqparat - Qaraǵandy oblysynda tabys týraly deklaratsııasynda úıiniń bar ekenin jasyrǵan aýyl ákimi ákimshilik jaýapkershilikke tartyldy. Bul týraly oblystyq sottyń baspasóz qyzmeti habarlady.
«Qarqaraly aýdandyq sotynda QR Ákimshilik quqyq buzýshylyq týraly kodeksiniń 532 baby, 2 bólimine sáıkes Tegisshildik aýyldyq okrýginiń ákimine qatysty ákimshilik is qaraldy. Memlekettik qyzmetker 2011 jylǵy tabys jáne múlik jóninde deklaratsııany tapsyrý kezinde Qarqaraly aýdanynyń ádilet basqarmasynda óziniń atyna tirkelgen úıin qujatta kórsetpegeni anyqtaldy», - dep habarlady oblystyq sottyń baspasóz qyzmeti.
Sottyń sheshimine sáıkes, aýyldyq okrýg ákimi 100 aılyq eseptik kórsetkish mólsherinde, ıaǵnı 161 800 teńge somasynda aıyppul tóleýi qajet. «Qaýly zańdy kúshine engen joq», - delingen habarlamada.
