Qaraǵandy oblysynda sýǵa batyp ketken er adamnyń denesi tabyldy
QARAǴANDY. QazAqparat – Qaraǵandy oblysy Shalqar aýylynyń mańynda qutqarýshylar er adamnyń denesin sýdan alyp shyqty. TJD qyzmetkerleriniń boljamy boıynsha marqum 27 shildede sýǵa batyp ketken, dep habarlaıdy QazAqparat tilshisi.
3 tamyzda saǵat 8: 15-te Buqar Jyraý aýdanynda Qaraǵandy oblysy TJD kúshimen Rýdnıchnoe kólinde Shalqar aýylynan ońtústik-batysqa qaraı 2 shaqyrym jerde túsiniksiz jaǵdaıda boljam boıynsha 2021 jylǵy 27 shildede sýǵa batyp ketken 1989 jyly týǵan er adamnyń denesi tabylyp, sýdan shyǵaryldy.
Sýdaǵy qaıǵyly oqıǵalardyń negizgi sebepteri jabdyqtalmaǵan jerlerde shomylý, mas kúıinde shomylý, sondaı-aq balalardy qaraýsyz qaldyrý bolyp tabylady.
Osyndaı oqıǵalardyń aldyn alý maqsatynda TJD qyzmetkerleri jergilikti atqarýshy organdarmen birlesip ózender, kólder mańyndaǵy, sondaı-aq iri sý qoımalary bar aýdandarda patrýldeý júrgizedi.
Patrýldeý kezinde túsindirý jumystary júrgiziledi-demalýshylarǵa ákimshilik jáne qylmystyq zańnamany buzýǵa jol bermeý, sondaı-aq tyıym salynǵan jerlerde sýǵa shomylý qaýpi jáne sý aıdyndarynyń janynda demalý kezinde alkogoldik ishimdikterdi paıdalanýǵa tyıym salý týraly aqparat jetkiziledi.
«Qoǵamdyq oryndarda, onyń ishinde jaǵajaılarda jáne sý aıdyndarynda mas kúıinde júrgen azamattar ákimshilik jaýapkershilikke tartylady. Eki kún ishinde qutqarýshylar sý aıdyndarynda 2 reıd júrgizdi, qaýipsizdik sharalary týraly 150 jadynama taratyldy», - dep málimdedi qutqarýshylar.
Qaraǵandy oblysynyń TJD azamattardan demalý kezinde sýǵa shomylý kezinde qyraǵylyq pen shamadan tys jaýapkershilik tanytýdy suraıdy. Múmkindiginshe sýdaǵy tártip Erejelerimen tanysý, jaqyn jerde qutqarýshylar men dárigerler beketi bar jabdyqtalǵan jerde shomylýǵa tyrysý, júzýdiń shekarasy bar jáne belgilengen.
