Qaraǵandy oblysynda sýǵa batyp bara jatqan júkti áıeldi qutqardy
QARAǴANDY. QazAqparat - Keshe Qaraǵandy oblystyq ІІD qutqarýshylary Samarqand sý qoımasynda júkti áıeldi qutqaryp qaldy, dep habarlaıdy QazAqparat tilshisi.
Oblystyq TJD-da habarlanǵandaı, 11 shildede 21:10-da kezekshi pýltine Samarqand sý qoımasynyń Peschanaıa kosa aýmaǵynda bir adamnyń sýǵa batyp bara jatqany týraly habarlama túsken. Qutqarýshylar aıtylǵan jerge shuǵyl jetip, jaǵadan biraz jerge deıin aǵyp ketken áıeldi qutqaryp qaldy. Ony jedel járdem qyzmetkerlerine tapsyrdy.
