Qaraǵandy oblysynda sýǵa batyp bara jatqan eki adam qutqaryldy
QARAǴANDY. QazAqparat - Qaraǵandy oblysynyń qutqarýshylary sý qoımalaryn patrýldeý barysynda eki adamdy ólim aýzynan aman alyp qaldy, dep habarlaıdy QazAqparat tilshisi.
TJ qyzmetkerleri ek adamdy sýdan qutqardy. Bir jazataıym oqıǵa Sátbaev qalasynda oryn alǵan. 21 maýsymda saǵat 16:17-de Sátbaev qalasynyń Aınakól sý qoımasynda qutqarýshylar 1966 jyly týǵan er adamdy qaıyqtarynyń bortyna kóterdi.
Al 24 maýsymda saǵat 21:00-de Jezqazǵan qalasyndaǵy Keńgir sý qoımasynyń akvatorııasyn patrýldeý kezinde TJD Jedel-qutqarý jasaǵynyń qyzmetkerleri 1967 jyly týǵan er adamdy qutqarǵan.
Aıta ketken jón, oblystaǵy sý qoımalarda adamdardyń qaza bolýy men jaraqattanýyn boldyrmaý úshin qutqarýshylar polıtsııamen birlese otyryp, ruqsat etilmegen demalys oryndarynda reıdter júrgizedi.
