Qaraǵandy oblysynda sý tasqynynan qorǵaý dambalaryn salýǵa 7 mlrd teńge bólinbek
QARAǴANDY. QazAqparat - Qaraǵandy oblysynda sý tasqyny qaýpiniń aldyn alý boıynsha tórt jyldyq keshendik jospar quryldy, dep habarlaıdy óńir ákimdiginiń resmı saıty .
Ózenderdiń túbin tereńdetý jáne jaǵalaýlaryn bekitý, qorǵaý dambalaryn salý jáne kúsheıtý boıynsha sharalar qarastyrylǵan. Josparlanǵan sharalardy júzege asyrý úshin shamamen 7 mlrd teńge qajet. Ol jaıly aımaq basshysy Erlan Qoshanovtyń jetekshiligimen ótken TJ boıynsha komıssııa otrysynda málimdeldi.
- Elimizdiń Premer-Mınıstriniń tapsyrmasyna sáıkes energetıka, ishki ister, aýyl sharýashylyq, ınvestıtsııalar jáne damý sekildi tórt mınıstrliktiń birikken qaýlysymen «2017-2020 jyldarǵa arnalǵan sý tasqynynyń aldyn alý jáne joıý boıynsha keshendik sharalar» respýblıkalyq Jol kartasy bekitildi. Onyń ishine Qaraǵandy oblysy boıynsha ótetin sharalar endi, - dedi Erlan Qoshanov.
Jol kartasyn iske asyrý týraly oblys ákiminiń orynbasary Anatolıı Shkarýpa málimdedi.
- Jol kartasymen, sý sharýashylyǵy nysandary boıynsha, eki kezeńmen ózenderdiń túbin tereńdetý jáne jaǵalaýlaryn bekitý boıynsha sharalar, sondaı-aq eldi mekenderdi tasqyn sýdan qorǵaý úshin dambalardy bekitý jáne salý qarastyrylǵan. Birinshi kezeńde, 2017-2018 jyldarda, Qaraǵandy oblysy boıynsha Aqtoǵaı aýdanyndaǵy Toqyraýyn ózeniniń túbin tereńdetý jáne jaǵalaýlaryn bekitý, Fedorov sý qoımasy aýmaǵynda Soqyr ózenin jaqsartý jáne tazalaý qarastyrylyp otyr, - dedi oblys ákiminiń orynbasary. - Sonymen qatar Buqar Jyraý aýdanyndaǵy eldi mekenderdegi uzyndyǵy 7 shaqyrym qorǵaý dambalaryn nyǵaıtý josparlanyp otyr.
Dálirek aıtar bolsaq, dambalar sý tasqynynan jıi zardap shegetin Chkalov jáne Sadovoe eldi mekenderinde salynady. Aldyn ala esepter boıynsha olardyń qurylysyna 84,7 mln teńge qajet.
Uzyndyǵy 12 shaqyrym qorǵaý dambasynyń qurylysy Qarqaraly aýdanynda da josparlanyp otyr. Ol T.Áýbákirov atyndaǵy jáne Jarly aýyldaryn qorǵaıtyn bolady. Bul nysannyń qurylysyna 128 mln teńge jumsalmaq. Nura aýdanynda Tassýat jáne Maıorovka aýyldarynda uzyndyǵy 5 shaqyrym damba salynady degen jospar bar. Oǵan 53,5 mln teńge qajet.
- Ekinshi kezeńde, 2019-2020 jyldary Jartas sý qoımasynan Sasyqkól kóline deıingi ara qashyqtyqta Sherýbaı Nura ózeniniń, Buqar Jyraý, Nura aýdandary men Temirtaý qalasynyń aýmaǵyndaǵy Nura ózeniniń túbin tereńdetý jáne jaǵalaýlaryn bekitý jumystary júrgizilmek. Aqtoǵaı aýdanynda Narmanbet jáne Saryterek aýyldarynyń mańaıynda Toqyraýyn ózenin tazartý qarastyrylǵan. Sonymen qatar Buqar Jyraý aýdanyndaǵy Aqtóbe aýylynyń qorǵaý dambasyn bekitý boıynsha sharalar júrgiziledi, - dep málimdedi Anatolıı Shkarýpa.
Ekinshi kezeńde qorǵaý dambalarynyń qurylysy jáne bekitilý jumystary Buqar Jyraý aýdanynyń 12 eldi mekeninde, Qarqaraly aýdanynyń úsh, Shet aýdanynyń úsh aýylynda qarastyrylǵan.
- Sý sharýashylyǵy nysandaryna Jol kartasymen barlyǵy 6,8 mlrd teńge, onyń ishinde 2,6 mlrd teńge - respýblıkalyq bıýdjetten, 4,2 mlrd teńge jergilikti bıýdjetten bólinedi, - dep qorytyndylady óz sózin oblys ákiminiń orynbasary.
Jol kartasy sondaı-aq jol ınfraqurylymdarynyń jóndelýine 1 mlrd teńgeden astam qarajat qarastyrǵan. Jalpy eseptegende ol - 9 kópir men 56 sý ótkizgish qubyrlar.
Respýblıkalyq mańyzy bar joldarda 2017-2019 jyldarda 640 mln teńgege jóndeý-qaıta qalpyna keltirý jumystary josparlanyp otyr.
- Esterińizde bolsyn, Jol kartasyn iske asyrý boıynsha talap qatań bolady. Aldaǵy ýaqytta biz eshqandaı aýyr oqıǵalardyń bolýyna jol bermeýimiz kerek, - dep eskertti Erlan Qoshanov. «Qarajat bólip otyrmyz. Ákimder, basqarma basshylary, barlyǵy sizderdiń qoldaryńyzda. Barlyq tapsyrmalardy oryndap, adamdarǵa barlyǵyn túsindirýlerińiz qajet».
