Qaraǵandy oblysynda sý tasqynyna qatysty jaǵdaıy turaqty - TJD
QARAǴANDY. QazAqparat - Qaraǵandy oblystyq TJD-nyń basshysy Ibragım Kúlshimbaev sý tasqyny jaǵdaıy boıynsha jumys májilisin ótkizdi, dep habarlady vedomstvo baspasóz qyzmeti.
Taıaý ýaqytqa boljamdy «Qazgıdromet» RMK-nyń oblystyq dırektorynyń orynbasary Valerıı Stratıenko jasady. «Eger on kún ishinde kúrt jylynyp ketpeı, aýa raıy turaqty bolsa, sý tasqyny kezeńinen saldarsyz ótemiz», - dep atap ótti ol.
Oblystaǵy sý qoımalarynyń jaǵdaıy týraly Nura-Sarysý basseıni ınspektsııasynyń basshysy baıandady. «Qazvodhoz» RMK basshylyǵynyń aqparatyna sáıkes sý tasqyny jaǵdaıy oblystarda turaqty ótýde, sý aǵyzý josparly rejimde júrgizilýde.
Májilis qorytyndysy boıynsha TJD basshysy tıisti tapsyrmalar berdi.
