Qaraǵandy oblysynda sý tasqynyna daıyndyq jalǵasýda

QARAǴANDY. QazAqparat – Óńirdi aldaǵy 2021 jylǵy sý tasqynyna daıyndaý maqsatynda Qaraǵandy oblysy ákiminiń orynbasary Ermek Alpysov TJD bastyǵy Murat Qatpanovpen birlesip, Buqar jyraý aýdanynyń Chkalovo jáne Sadovoe aýyldaryn aralady. Sondaı-aq olar Samarqand sý qoımasynyń gıdrotorabyna bardy, dep habarlaıdy QazAqparat tilshisi.

Aralaý barysynda 2020 jyly júrgizilgen ınjenerlik jumystar, qorǵanys bilikteriniń jaı-kúıi, materıaldyq-tehnıkalyq quraldardyń (JJM, qaptar, ınertti materıaldar) bar-joǵy tekserildi. Qar shyǵarý, sý ótkizý qubyrlaryn tazartý jumystarynyń qorytyndylary jáne 2021 jyly oblys halqyn, aýmaǵyn jáne sharýashylyq júrgizýshi sýbektilerin tasqyn sýlardan qorǵaý jónindegi jospardyń basqa da is-sharalary saralandy.

Buqar jyraý aýdanynda ótken 2020 jyldyń jazǵy-kúzgi kezeńinde 2021 jylǵy sý tasqyny kezeńine daıyndyq boıynsha úlken kólemdi jumys júrgizildi.

«Jastilek aýylynda uzyndyǵy 400 metr, Petrovka aýylynda 55 metr qorǵanys biligi salyndy. Sarytóbe aýylynda uzyndyǵy 75 metr qoldanystaǵy bilik nyǵaıtyldy. Botaqara kentinde uzyndyǵy 240 metr aryq daıyndaý jumystary júrgizildi. Kókpekti aýylynda uzyndyǵy 150 metr kanal tereńdetildi. Novostroıka aýylynda uzyndyǵy 1500 metr qorǵanys biligi jasaldy. Asyl aýylynda uzyndyǵy 550 metr, Qarajal aýylynda 150 metr bilik salyndy. Ǵ. Mustafınniń atyndaǵy kentte uzyndyǵy 1100 metr kanaldy tazartý jumystary júrgizildi. Sondaı-aq jalpy uzyndyǵy 2700 metr bolatyn aryqtar tazartyldy», - dep málimdedi Qaraǵandy oblysynyń TJD baspasóz qyzmeti.

Aýdannyń daıyndyǵyn aǵymdaǵy jyldyń 4-5 naýryz aralyǵynda «Kóktem-2021» respýblıkalyq oqý-jattyǵýyn ótkizý barysynda tekserý josparlanýda. Sý tasqyny kezeńine daıyndyq jumystary turaqty baqylaýda.