Qaraǵandy oblysynda sý tasqyny qaýpi bar ýchaskeler áýeden baqylandy
QARAǴANDY. QazAqparat – Qaraǵandy oblysy TJD bastyǵynyń orynbasary Aqylbek Ahmetjanov pen Buqar jyraý aýdany ákiminiń orynbasary Sapar Sataev 8 sáýirde Buqar jyraý aýdanynyń sý tasqyny qaýpi bar ýchaskelerdi aralady, dep habarlaıdy QazAqparat tilshisi.
Ushý barysynda «Mınkovskaıa», «Baıqadam», «Kókpekti», «Baımyrza» bógetterin, Shoqaı, Saran, Chkalov sý qoımalaryn aerovızýaldyq tekserý júrgizildi. Sonymen qatar Nura, Shoqaı, Oshaǵandy, Soqyr, Baımyrza, Solonka ózenderi arnalarynyń jaǵdaıy zertteldi.
Kóptegen sý nysandarynda ishinara muz qatý, keı jerlerde muz júrý baıqalady.
Kosmomonıtorıng derekteri boıynsha Qaraǵandy oblysy aýmaǵynyń 30%-ynda
qar bar.
Іri sý qoımalarynan tógindiler jalǵasýda: Samarqand sý qoımasynan - 55 tekshe m/s aǵyny kezinde 20 tekshe m/s kóleminde; Yntymaq sý qoımasynan aǵyzý 74 tekshe m/s aǵyny kezinde 8 tekshe m/s quraıdy. Sherýbaı-Nura sý qoımasynan aǵyzýlar júrgizilmeıdi, aǵyn 7 tekshe m/s quraıdy.
«9 sáýir kúni tańerteń Nura aýdanynda Qon jáne Jamanqon ózenderiniń arnalary
boıynsha erigen sýdyń qarqyndy túsýinen Teńiz kóline kireberistegi Qon jáne Nura
ózenderiniń jaıylmalarynda ornalasqan Nyǵman eldi mekeniniń jyl saıynǵy
oqshaýlanýy oryn aldy. Aqmola oblysynyń Qorǵaljyn aýylymen kólik qatynasy bar .
Sondaı-aq, Aqtúbek jáne Qulanótpes eldi mekenderiniń arasyndaǵy kólik qatynasy úzildi.
Degenmen eldi mekenderdi sý basý qaýpi joq.
Aýyldarda azyq-túlik pen dári-dármek jetkilikti.
Jaǵdaı oblystyq sý tasqynyna qarsy jedel shtabtyń baqylaýynda.
