Qaraǵandy oblysynda sý basý qaýpi bar jerlerge monıtorıng júrgizilip jatyr
Qutqarýshylar oblys ákimi Jeńis Qasymbekke kóktemgi sý tasqynyna daıyndyq týraly baıandady.
Óńir basshysy Thtenshe jaǵdaılar dapertamentiniń bastyǵy Murat Qatpanovpen birge Buqar Jyraý jáne Abaı aýdandaryndaǵy Nura jáne Sherýbaı-Nura ózenderiniń arnalaryn tekserdi. Bul aýmaqtar Qarqaraly, Osakarov jáne Nura aýdandarymen qatar sý basý qaýpi joǵary óńirler tizimine kiredi.
Qutqarýshylardyń aıtýynsha, sý tasqyny ýchaskeleri men gıdroqurylystar baqylaýǵa alyndy. 760 myń tekshe metr qar shyǵaryldy.
Jeńis Qasymbekke Ǵ. Mustafın kentindegi jaǵdaı da tanystyryldy. Onda eldi mekenniń boıynda uzyndyǵy 6 shaqyrymnan asatyn qorǵanys biligi salynǵan.
Sonymen qatar Sadovoe, Chkalovo, Kókpekti, Jastilek aýyldaryndaǵy topyraq úıindileri bekitilip, nyǵaıtyldy.
Abaı aýdanyna barǵan kezde oblys ákimine Jartas sý qoımasynan Sasyqkól kóline deıin uzyndyǵy 16,5 km Sherýbaı-Nura ózeniniń sanatsııasy týraly aıtyldy. ıÝbıleınyı aýylynda úlken sýǵa qarsy aldyn-alý sharalary qabyldandy. Qorǵanys biligi de bar.
Murat Qatpanovtyń aıtýynsha, Nura jáne Sherýbaı-Nura ózenderiniń basseınderi boıynsha eki qar ólsheý sharalary júzege asyryldy. Qardaǵy ylǵal qory normanyń 10-nan 45%-ǵa deıingi kórsetkishin quraıdy. Bul jaǵdaıda jerde 1-den 4 sm-ge deıin qar men muzdyń joǵary tyǵyzdyǵy baıqalady. Bıylǵy jyly tasqyn sý aǵyny kóp jyldan beri baıqalyp otyrǵan ortasha deńgeıden tómen bolady dep kútilýde. Biraq barlyq táýekelder, sonyń ishinde qardyń erý jyldamdyǵy men jaýyn-shashyn kólemi eskeriledi.
Kosmomonıtorıng derekteri boıynsha oblys aýmaǵynyń 80%-y qar astynda. Degenmen sý qoımalary tolyp jatqan joq.
Avarııalyq-qutqarý jáne basqa da kezek kúttirmeıtin jumystar úshin óńirde tıisti qyzmetterdiń kúshteri men quraldary daıyndaldy, materıaldyq-tehnıkalyq jáne qarjylyq baza quryldy.
