Qaraǵandy oblysynda sý basý qaýpi bar aımaqtarda reıd júrip jatyr
QARAǴANDY. QazAqparat – Qaraǵandy oblysy ákiminiń orynbasary Ermaǵambet Bólekpaev jáne Qaraǵandy oblysy TJD bastyǵy, azamattyq qorǵaý polkovnıgi Ibragım Kúlshimbaev Shet aýdanynyń gıdrotehnıkalyq qurylystary men sý tasqyny qaýipti aımaqtaryn aralap kórdi, dep habarlaıdy QazAqparat tilshisi.
Qazir Sherýbaı-Nura jáne Jaman-Sarysý ózenderiniń arnasyna erekshe nazar aýdarylyp otyr. Ákimdiń ókilderi Qyzylqoı aýylyndaǵy qorǵanys biligi, Tańatbaı bógetin qarap shyqty, Aǵadyr kentiniń jáne sol jerde ornalasqan temirjol vokzalynyń sý tasqynyna daıyndyǵy tekserildi.
Shet aýdanynyń aýyldyq okrýgterinde ınertti materıaldar daıyndalyp, qar shyǵarý jumystary uıymdastyrylyp, 13 eldi mekende halyqty habarlandyrý júıesi ornatylǵan. Sý tasqynyna daıyndyq aıasynda 22 eldi mekenge reıd júrgizildi.
Qaraǵandy oblysy ákiminiń orynbasary Ermaǵanbet Bólekpaev eldi mekenderden qar shyǵarý, sý ótkizý saqınalaryn tazalaý, Aǵadyr kentiniń temirjol vokzaly aýmaǵyn sý basýynyń aldyn alý boıynsha naqty tapsyrmalar berdi. Barlyq is-sharalardy 20-shy naýryzǵa deıin aıaqtaý tapsyryldy.
Esterińizge sala keteıik, Qaraǵandy oblysynda sý basý qaýpi bar eldi mekenderge 115 reıd ótkizilip, turǵyndarǵa 12 670 jadynama tabys etildi. Azamattyq qorǵaý organdarynyń qyzmetkerleri qalalar men aýdandardyń ákimdikterimen birlesip, saý basý qaýpi bar aımaq tqrǵyndarymen 153 jınalys ótkizdi. Bul baǵyttaǵy jumystary áli jalǵasady.
