Qaraǵandy oblysynda sport nusqaýshylary ınstıtýty damyp keledi
QARAǴANDY. QazAqparat – Qaraǵandy oblysynyń qalalary men oblystarynda sport nusqaýshylary ınstıtýtyn engizý boıynsha joba júzege asyrylyp jatyr, dep habarlaıdy QazAqparat.
Bul buqaralyq sportty damytýǵa jáne qoldanystaǵy sport zaldary men keshenderdi tıimdi paıdalanýǵa yqpal etedi.
Joba júzege asyryla bastaǵannen bergi úsh jylda sport nusqaýshylarynyń sany 7 esege ósti. Búginde óńirdegi sport nysandarynda 339 adam jumys isteıdi, onyń 98-i aýyldyq jerlerde. Joba oblystyq bıýdjetten qarjylandyrylady.
Mysaly, Buqar jyraý aýdanynyń Petrovka aýylynda kóshe gımnastıkasyna arnalǵan alań jabdyqtaldy.
«Aýyldarǵa sport nusqaýshylaryn engizý – durys sheshim. Eń bastysy – adamdarǵa kómektesý. Bizdiń aýyl sportqa jaqyn. Jańa alańǵa 9 jastan 16 jasqa deıingi balalar keledi. Sportpen shuǵyldaný tegin. Bizdiń oqýshylar jaqsy nátıje kórsetýde. Oblystyq chempıonattarǵa qatysyp, júldeli oryndarǵa ıe bolyp jatyr. Armrestlıng, shtanga kóterý boıynsha Qazaqstan chempıondary bar. Aýylymyzda salaýatty ómir saltyn ustanýshylardyń kóbeıgenin kórý qýantady», – deıdi armrestlıng boıynsha oblystyń aǵa jattyqtyrýshysy jáne sport nusqaýshysy Vıktor Kıselev.
Jattyǵýǵa bir mezgilde 50 adam qatysa alady. Nusqaýshy sabaqty júrgizip qana qoımaı, sonymen qatar ózara kómekke, táýelsizdikke jáne tártipke tárbıeleıdi.
«Men shaıbamen jáne armrestlıngpen aınalystym. Sport alańy paıda bolǵan soń ózimdi vorkaýtta synap kóre bastadym. Men osy sport túrinen jarysqa qatysqym keledi. Munda kún saıyn kelemin. Dostarymyzben bos ýaqytymyzdy osynda ótkize alamyz», – deıdi jas sportshy Danıl Bergman.
Sport áýesqoılaryna odan da kóp jaǵdaı jasaý úshin aýyldarda jabyq shaǵyn zaldar salý týraly ıdeıa bar.
