Qaraǵandy oblysynda sport kerýeni óz saıahatyn aıaqtady
QARAǴANDY. QazAqparat - «Rýhanı jańǵyrý» jobasy aıasynda uıymdastyrylǵan sporttyq kerýen aımaq boıynsha óziniń saıahatyn aıaqtady, dep habarlaıdy Qaraǵandy oblysy ákiminiń resmı saıty.
Kerýen quramynda oblystyq dene tárbıesi jáne sport basqarmasynyń basshysy Dmıtrıı Karpov, «Shahter» fýtbol klýbynyń burynǵy shabýylshysy, bapker Andreı Fınonchenko jáne Beıjińdegi olımpıadaǵa qatysqan jeńil atlet Sergeı Zasımovıch boldy.
Sondaı-aq akrobattar Aleksandra Rýdakova men Damır Tolǵat, semserlesý sporty boıynsha QR chempıondary Lıontıı Mýsalov, Sofııa Spıchova Jasmın Kapadjı, Angelına Nýrmagambetova jáne Anastasııa Kýlık, sondaı-aq boksshylar men qazaq kúresiniń palýandary da birge saıahattady.
Sportshylar shalǵaıdaǵy aýyl balalaryna sheberlik synyptaryn uıymdastyryp, ashyq jattyǵýlar ótkizdi. Olardy salaýatty ómir saltyn ustanýǵa shaqyrdy.
Sporttyq kerýen jaz boıy aımaq aýmaǵyn aralady. Osy ýaqyt aralyǵynda onyń qatysýshylary Nura, Osakarov, Qarqaraly, Buqar jyraý aýdandarynda boldy. Kerýenniń arqasynda Botaqara men Nurada sporttyq alańdar salyndy.
Aktsııanyń qorytyndy sharasynda, ıaǵnı qarasha aıynda Qaraǵandydaǵy Núrken Ábdirov atyndaǵy sport saraıynda mýzeı ashylmaq. Oǵan eksponattardy kerýen aralap qaıtqan aýdandar men oblystyń tanymal sportshylary usynady.
