Qaraǵandy oblysynda sottardyń jańa ákimshisi taǵaıyndaldy

QARAǴANDY. QazAqparat - Qaraǵandy oblystyq sotynda QR Joǵarǵy soty janyndaǵy sottardyń qyzmetin qamtamasyz etý departamenti basshysynyń ókimimen taǵaıyndalǵan sottardyń jańa ákimshisi tanystyryldy, dep habarlady oblystyq sottyń baspasóz qyzmetine silteme jasap «QazAqparat» HAA tilshisi.

«Qaraǵandy oblystyq sotynyń tóraǵasy Musabek Álimbekov sot ujymyna jańa ákimshi Baqdáýlet Núrpeıisovti tanystyrdy. Budan buryn ol QR Joǵarǵy soty janyndaǵy sottardyń qyzmetin qamtamasyz etý departamentin materıaldyq-tehnıkalyq jaraqtaý sektorynyń meńgerýshisi bolǵan», - delingen habarlamada.

Májiliste áriptester Jezqazǵan aýdandyq sotynyń tóraǵasy Marat Kókishev pen Osakarov aýdandyq sotynyń sýdıasy Talǵat Qurmanovty mereıtoılarymen quttyqtady. Sot júıesiniń tynys-tirshiligine erekshe úles qosqany úshin QR Sýdıalar odaǵy Ortalyq keńesiniń qurmet gramotasymen oblystyń sottarmen ózara is-áreket keńesiniń múshesi Saǵat Batyrhanovty marapattady.