Qaraǵandy oblysynda sottalǵan adam túrmeden qashyp shyǵyp, birneshe saǵattan soń ustaldy

ASTANA. QazAqparat – Qaraǵandy oblysynda jazasyn ótep jatqan adam túrmeden qashyp ketti, dep habarlaıdy QazAqparat Polisia.kz saıtyna silteme jasap.

Polıtsııanyń málimetterine qaraǵnda, 31 shilde №31 mekemeniń (qaýipsizdigi ortasha) ákimshilik ǵımaratynyń aýmaǵynda jumys istep júrgen sottalǵan qashyp ketken.

QR QAK 119 jáne 136-baptaryna sáıkes sottalǵan mekemeniń kúzetiletin aýmaǵynda ornalasqan obektide jóndeý jumysyn júrgizgen.

Birneshe saǵat ishinde qashyp ketken adamdy jedel qyzmetkerler ustady.

Qaraǵandy oblysynyń PD QR Qylmystyq-atqarý kodeksiniń 426-baby boıynsha sotqa deıingi tergeý júrgizýde.

Tergeý barysy jáne ózge de málimetter jarııa etilmeıdi.

Sonymen qatar Qaraǵandy oblysy boıynsha qylmystyq-atqarý júıesi departamenti qyzmettik tekserýdi bastady.

29 jastaǵy er adam urlyq jáne kólik urlaǵany úshin jalpy 4 jylǵa bas bostandyǵynan aıyrylǵan.