Qaraǵandy oblysynda sot alıment tólemegenderge qatysty 29 isti qarady

QARAǴANDY. QazAqparat – Qaraǵandy oblysynda alıment tólemegen azamattarǵa qatysty 29 qylmystyq is qaraldy. Balasyn asyraýǵa qarjylaı kómek tólemegen 7 qaraǵandylyq sottalyp, qalǵandary 20 mıllıon teńge kóleminde boryshyn ótedi, dep habarlaıdy QazAqparat tilshisi.

Deklaratsııalanbaǵan t abysy bola tura birneshe jyl boıy alıment tólemeı, 1 mıllıonǵa jýyq soma bereshegi jınalyp qalǵan oblys turǵyny sot sheshimimen májbúrli eńbekke tartyla otyryp, bas bostandyǵy shekteldi.

«Jalpy búgingi kúni alıment tólemeýge qatysty 29 qylmystyq is aıaqtaldy, 7 tulǵa sottaldy, al 22 boryshker 20 mıllıonnan astam somany tólep, jábirlenýshilermen bitimgershilikke qol jetkizdi», - dep málimdedi Qaraǵandy oblystyq prokýratýrasynda.

Kámeletke tolmaǵandardyń quqyqtary men zańdy múddelerin qorǵaý maqsatynda oblystyq prokýratýra organdary budan ári de Sot oryndaýshylary palatasymen jáne Polıtsııa departamentimen birlesip, alıment tólemeıtinderge qarsy kúreske baǵyttalǵan jumysty jalǵastyrady.

Sonymen qatar prokýrorlar balany kútýge qarajat tóleýden úsh aıdan uzaq jaltarý Qylmystyq kodekstiń 139-babyna sáıkes eki jylǵa deıin bas bostandyǵynan aıyrý túrindegi jaýapkershilikke soqtyratynyn eske saldy.