Qaraǵandy oblysynda sońǵy eki aıda 34 balaǵa pnevmonııa dıagnozy qoıyldy
QARAǴANDY. QazAqparat - Sońǵy eki aıda Qaraǵandyda balalar pnevmonııasynyń 34 jaǵdaıy tirkeldi. Bul kórsetkishter ótken jylmen salystyrǵanda joǵary emes. Bul jaıttardyń birde-birinde KVI tabylǵan joq, dep habarlaıdy QazAqparat tilshisi.
Sońǵy eki aptada áleýmettik jelilerde ata-analar arasynda dúrbeleń oryn aldy. Oǵan balalar arasynda ókpe zaqymdanýyn týdyratyn koronavırýstyń tez taralyp jatqany týraly qaýeset sebep bolǵan. Alaıda qaraǵandylyq dárigerler alańdaýǵa negiz joq dep otyr. Ótken eki aıda aımaqta kishkentaı patsıentterde pnevmonııanyń 34 jaǵdaıy tirkeldi. Olardyń eshqaısysynda COVID-19 tabylǵan joq.
«Oblystyq rentgenologııalyq mekemelerdiń qyzmetimen ózara is-qımyl jasaı otyryp, men balalardaǵy pnevmonııa jaǵdaılary tirkelgeni týraly málimet aldym. Biraq olardyń eshqaısysynda PTR taldaý COVID-19 baryn rastalmady. ıAǵnı, bul pnevmonııa qubylmaly aýar-raıyna baılanysty, tańerteń jáne keshke sýyq bolǵan kezde, kúndiz jyly bolǵandyqtan, balalar kıimderin sheship, gıpotermııa alady. Sonymen qatar, dene álsireýi múmkin. Osyǵan baılanysty balada kataraldy belgiler paıda bolady. Keıinnen, eger emdelmese, asqynýlar bolýy múmkin», - dep esepteıdi Qaraǵandy oblysynyń bas rentgenology Muhtar Ábildın.
Sondaı-aq, Qaraǵandy oblysynyń Densaýlyq saqtaý basqarmasy monıtorıng júrgizgen. Alynǵan derekterge sáıkes bıyl balalar pnevmonııamen burynǵydan kóp aýyrmady.
Dárigerlerdiń pikirinshe, COVID-19 vırýsynyń balalar arasynda taralýy týraly áńgimelerdi medıtsınaǵa qatysy joq adamdar taratýda.
«Tipti, KVI ekinshi tolqynynyń yqtımaldyǵy bolsa da, Qaraǵandy oblysy ony tolyqtaı qarsy alýǵa daıyn», deıdi aımaqtyń bas rentgenology.
«Búgingi tańda bizdiń barlyq klınıkalarymyz COVID-19 patsıentterin qabyldaýǵa daıyn. Pandemııanyń alǵashqy tolqynynan keıin bizde úlken tájirıbe bar. Búgingi tańda barlyq ortalyqtar konservatsııalanǵan, jabdyqtarmen jáne dári-dármektermen jabdyqtalǵan. Sondyqtan, ekinshi tolqyn bastalsa, erekshe problemalar týyndamaıdy dep oılaımyn», - dedi Muhtar Ábildın.
Mamandardyń pikirinshe, búkil álemde balalar arasyndaǵy ınfektsııa paıyzy óte tómen jáne eresekterge qaraǵanda olar COVID-19-dy jeńil ótkeredi. Koronavırýstyq ınfektsııadan zaqymdanǵan bala ókpesi qalpyna kelýi úshin eń kóbi eki apta ýaqyt qajet.
Dárigerler ata-analardy balalardyń ımmýnıtetin nyǵaıtýǵa, olardyń tamaqtanýyn baqylaýǵa jáne gıpotermııadan saqtaýǵa shaqyrady.
