Qaraǵandy oblysynda shveıtsarııalyq týrısterdiń kóligin urlap ketti
QARAǴANDY. QazAqparat - Qaraǵandy oblysy Prıozersk qalasyndaǵy polıtsııa qyzmetkerleri Shveıtsarııanyń eki azamatyn tonaý áreketin áshkereledi, dep habarlaıdy «QazAqparat» HAA tilshisi.
Qazaqstanǵa kelgen eki áıel «Kia Rio» avtokóligin jalǵa alyp, Almatydan Astana baǵytyna jolǵa shyqqan.
«5 qyrkúıek kúni Prıozersk polıtsııa bólimshesiniń kezekshilik qyzmetine 20 jáne 22 jastaǵy Shveıtsarııa azamattary qońyraý shalyp, belgisiz bireý kúsh kórsetip, jalǵa alǵan kólikterin tartyp alǵandyǵyn málimdedi. Polıtsııanyń jedel qyzmetkerleri kúdiktini ustady», - dep habarlady Qaraǵandy oblysy ІІD baspasóz qyzmetiniń basshysy Baqytjan Qudııarov.
Tártip saqshylary ustaǵan kezde kúdikti sol kólikte bolǵan. Qazir ýaqytsha ustaý oqshaýlaǵyshyna qamaýǵa alyndy. QR QK-iniń 192-baby («Tonaý») boıynsha sotqa deıingi tergeý amaldary júrgizilip jatyr. Tártip saqshylary tarapynan sheteldik azamattardyń jaılylyǵy úshin barlyq jaǵdaı jasaldy. Kólikterin qaıtaryp alǵan týrıster polıtsııa qyzmetkerleriniń alaıaqty jedel qolǵa túsirip, qonaqjaılylyq tanytqandary úshin alǵystaryn bildirdi.
