Qaraǵandy oblysynda shopandardan qarý-jaraq arsenaly tabyldy

ASTANA. QazAqpara – Qaraǵandy oblysynda shopandardan qarý-jaraq arsenaly tabyldy. Bul týraly Ekologııa mınıstrliginen málim etti, dep habarlaıdy QazAqparat.

«Sapsan» jedel tobynyń ınspektorlary Qaraǵandy oblysy Nura aýdanynyń jergilikti polıtsııa qyzmetkerlerimen birlesip reıd júrgizgen. Onyń barysynda 24 shilde kúni Nura aýdanynyń Sonaly aýyldyq okrýgine qarasty aımaqta jergilikti turǵyndardyń birine tıesili malshylarǵa arnalǵan vagonnan 5 ańshy myltyǵy tabylǵan.

«Vıdeo jazý arqyly odan ári júrgizilgen tekseris kezinde eki banka kúkirt, tegis uńǵyly myltyq pen sholaq myltyqqa arnalǵan 142 dana patron, sondaı-aq 5 dana múıiz (boljam boıynsha aqbóken) tabyldy. Sotqa deıingi tergeý bastaldy», - delingen málimette.