Qaraǵandy oblysynda sheteldik kólikten 1 mln. 300 myń teńge jymqyrǵan kúdikti ustaldy
ASTANA. 27 shilde. QazAqparat - Kóliktiń ishinen qomaqty qarajat urlaǵan kúdikti qolǵa tústi, dep habarlady Qaraǵandy oblysy ІІD-niń baspasóz qyzmeti.
Urlyq 30 mamyrda, Qaraǵandy qalasy Muqanov kóshesi boıyndaǵy turaqta bolǵan. Belgisiz bireýler kiltterdi tańdaı otyryp, «Toıota» kóliginen 1 300 000 teńge salynǵan sómkeni urlap ketken.
ІІD krımınaldy polıtsııa basqarmasynyń qyzmetkerleri 26 shilde kúni júrgizgen jedel-izdestirý sharasynyń barysynda 26 jastaǵy qaraǵandylyqty ustady.
Urlyq faktisi boıynsha qylmystyq is qozǵaldy. Kúdikti ýaqytsha ustaý abaqtysyna qamaldy. Tergeý amaldary júrgizilýde, kúdiktiniń basqa da osyndaı qylmystarǵa qatysy bar-joq ekendigi tekserilýde.
