Qaraǵandy oblysynda sharýa qojalyǵynyń shopany snarıad jarylysynan zardap shekti
ASTANA. Sáýirdiń 19-y. QazAqparat - Qaraǵandy oblysy Abaı aýdany Spask kentinde sharýa qojalyǵynyń shopany snarıadtyń jarylysynan zardap shekti,
dep habarlady QR TJM-nan.
Oqys oqıǵa sáýirdiń 18-i kúni saǵat 16.30-da «Túsipbekov» sharýa qojalyǵynda orny aldy. 34 jastaǵy shopan tabylǵan oq-dárilerdi bólshektep jatqanda ol jarylyp ketken. Sonyń saldarynan azamat túrli jaraqattarmen aýrýhana jetkizildi.
Oqıǵa ornynda tabylǵan RPG-7 (32 mm kalıbrli) snarıadty Іshki ister aýdandyq bólimshesiniń qyzmetkerleri alyp ketti.
