Qaraǵandy oblysynda shamadan tys júk tıegen júrgizýshilerge 6 mln teńge aıyppul salyndy
QARAǴANDY. QazAqparat - Qaraǵandy oblysynda júk tıelgen kólikter tekserile bastady, dep habarlaıdy QazAqparat oblys ákimdiginiń resmı saıtyna silteme jasap.
Ádette, úlken júk kólikteri joldardy buzady jáne olardyń paıdalaný merzimin qysqartady. Kóliktik baqylaý ınspektsııasynyń qyzmetkerleri jol-patrýldik qyzmetimen birlesip shilde aıynyń 10 kúni aralyǵynda 47 buzýshylyq faktisin anyqtady. Júrgizýshilerge 6 mln teńge aıyppul salyndy.
Eń kóp buzýshylyqtar Nura - Osakarovka jol ýchaskesinde tirkelgen. Onda 22 derek tirkeldi. Qaraǵandy - Toǵyzqudyq - Botaqara tas jolynda reıd kezinde taǵy 13-i tirkeldi.
Qyzylorda - Pavlodar jolynyń kesindisinde Krasnaıa polıana (Shet aýdany) aýyldyq okrýgine jaqyn jerde tıisti qujatsyz taýar tasymaldaýshy jáne júk salmaǵyn asyrýdyń segiz faktisi anyqtaldy.
Qaraǵandyda eki úlken júk kóligi tekserilip, tórt buzýshylyq anyqtaldy. Avtokólikterdiń salmaǵy ruqsat etilgen normadan asyp túsken, tasymaldanatyn júkke qajetti qujattar bolmaǵan, júrgizýshilerdiń biri tıisti baǵyttan aýytqyǵany belgili boldy.
Osy jyldyń 6 aıynda 4 606 iri kólemdi avtokólik tekserilip, 967 zań buzýshylyq anyqtaldy.
Sońǵy 2 jylda Qaraǵandy oblysynyń aýmaǵynda oblystyq mańyzy bar 800 shaqyrymnan astam avtomobıl joldary jóndeldi.
Bıyl jóndeý jumystarymen 561 shaqyrym jol qamtylǵan.
