Qaraǵandy oblysynda «Shahter» FK-nyń jańa quramy tanystyryldy
ASTANA. QazAqparat - Búgin Qaraǵandy oblysynyń ákimi Erlan Qoshanov «Shahter» klýbynyń fýtbolshylarymen kezdesti. Ol sportshylarǵa sáttilik tilep, klýbtyń 60 jyldyq mereıtoıymen quttyqtady, dep habarlaıdy QazAqparat aımaq ákimdigine silteme jasap.
«Maýsym bastaldy, komandaǵa jańa oıynshylar keldi. Maýsymnyń bastalý qorytyndysy boıynsha biz altynshy orynda turmyz. Biraq menińshe, sizder oıyndy jaqsartyp, jankúıerlerdi qýantasyzdar dep oılaımyn. Klýbtyń materıaldyq-tehnıkalyq qamtamasyz etilýi durys deńgeıde. Endi barlyǵy sizderdiń qoldaryńyzda», - dedi aımaq basshysy.
Ol sonymen qatar bıylǵy jyly qaraǵandylyq fýtbol komandasyna 60 jyl tolatynyn eske saldy. Ótken, 55 jyldyq mereıtoıda «shahterlar» alǵash ret Qazaqstan tarıhynda Eýrokýbokqa deıin jetken bolatyn. Erlan Qoshanov osy jyl da bizdiń fýtbolshylar úshin sátti bolatynyna senimin bildirdi. 
Oblys ákimi komandanyń jańartylǵan quramymen tanysty. Klýb dırektory Álibek Orazǵalıevtiń aıtýynsha, 25 oıynshynyń 14-i qaraǵandylyqtar.
Kezdesý barysynda fýtbol klýbynyń jetekshileri Erlan Qoshanovqa klýbtyń logotıpi bar jeıde men dop syılady. 
«Shahterlar» kezekti oıyndaryn 1 sáýir kúni Temirtaýda «Jetisýmen» ótkizedi.
