Qaraǵandy oblysynda shahtalar men ken oryndarynyń jumysy toqtaǵan joq - TJD
ASTANA. QazAqparat - Qaraǵandy oblysynda shahtalar men ken oryndarynda jumys toqtaǵan joq, dep habarlady oblystyq TJD.
Eske sala keteıik, búgin shamamen Astana ýaqyty boıynsha saǵat 12.30-da Qaraǵandy oblysynda jer silkinisi boldy. Qaraǵandyda 4 baldyq jer asty dúmpýi sezildi.
Jer silkinisi Astanadan 206 shaqyrym ońtústik-shyǵysta, Qaraǵandydan 26 shaqyrym ońtústik-batysta oryn aldy.
«TJ departamenti shahtalar men ken oryndarynda jumystyń toqtaǵan-toqtamaǵanyn surap bildi. Ázirge, jumys kestesinde eshqandaı aýytqý bolǵan joq. Qıraýlar týraly aqparat kelip túspedi», - delingen TJD baspasóz paraǵynda.
Jaǵdaıdy anyqtaý boıynsha sharalar júrgizilýde. Halyqty dúrligýge jol bermeı, tynyshtyq saqtaýǵa shaqyramyz.
Sonymen qatar, «ArselorMıttal Temirtaý» baspasóz qyzmeti jer silkinisi shahta qyzmetine áser etpegenin, dúmpý jer betinde ǵana sezilgenin, ádette jer astynda sezilmeıtinin rastady», - dedi baspasóz qyzmetinde.
