Qaraǵandy oblysynda shahtadan 162 adam qaýipsiz jerge kóshirildi
ASTANA. Mamyrdyń 17-si. QazAqparat - Qaarǵandy oblysynda shahtada kómirtektiń (SO) totyǵý shoǵyry 0,1-0,2 paıyzǵa artyp, sonyń saldarynan 162 adam qaýipsiz jerge kóshirildi,
dep habarlady QR Tótenshe jaǵdaılar mınıstrliginiń baspasóz qyzmetinen.
Oqıǵa Saran qalasyndaǵy «ArselorMıttal Temirtaý» kompanııasyna qarasty Kúzembaev atyndaǵy shahtada mamyrdyń 15-i kúni saǵat 22:30-da oryn alǵan.
«560 metrlik deńgeıdegi bólek kóshkinniń joǵary bóliginde kómirtektiń (SO) totyǵý shoǵyry 0,1-0,2 paıyzǵa artýy oryn aldy», delingen baspasóz habarlamasynda.
Osy mezette shahtada 162 adam bolǵan, olardyń barlyǵy qaýipsiz jerge kóshirildi. Qutqarýshylardyń aqparatyna sáıkes, zardap shekkender men qaza tapqandar joq. Shahta jumysy toqtatyldy.
Tótenshe jaǵdaıdy joıýǵa «VASS «Kómir» RMKK-niń 50 mamany men 13 tehnıkasy jáne QR TJM Qaraǵandy oblystyq tótenshe jaǵdaılar departamentiniń 2 mamany men 1 tehnıkasy tartyldy.
