Qaraǵandy oblysynda shahtada qalyp qoıǵan 300-den astam kenshi jer betine shyǵaryldy
QARAǴANDY. QazAqparat - Shahan kentindegi qosalqy stantsııalardyń birinde jaryqtyń óshirilýi saldarynan eldi mekendegi birneshe turǵyn úıler men kásiporyndar elektr qýatynsyz qaldy. Onyń ishinde «Tentek» shahtasy da birneshe saǵatqa jaryqsyz qalyp qoıdy, dep habarlaıdy QazAqparat tilshisi.
30 sáýirde qatty jeldiń saldarynan Shahan kentindegi «Qaraǵandy Jaryq» JShS qosalqy stantsııasynyń shatyry qulady. Shatyrdyń bir bóligi qosalqy stantsııalardyń jabdyqtaryna qulaýyna baılanysty apatty jaǵdaı týyndap, jaryq óshirildi. Nátıjesinde Shahan kentiniń, «SaranKomýnServıs» kásiporny (Saran q. sýmen qamtamasyz etý), «Tentek» shahtasy men kenttiń turǵyndary jaryqsyz qaldy. Apattyq jaǵdaı kezinde «Tentek» shahtasynda 331 adam jer astynda qalyp qoıdy, alaıda shahtanyń jeldetkishi jumysyn toqtatpaǵan. Shahta basshylyǵy qabyldaǵan sharalardyń kómegimen adamdardy basty kólbeý oqpan (shamamen 1,5 km) arqyly shyǵarý jumystary uıymdastyryldy. Qazirgi ýaqytta barlyq kenshiler jer betine shyqty. Shahan kentinde, «SaranKomýnServıs» (Saran q. sýmen jabdyqtaý) kásipornyn elektr qýatymen jabdyqtaý qalpyna keltirildi. Qosalqy stantsııadaǵy elektrqýaty tolyǵymen saǵat 22.00-ge deıin qalpyna keltiriledi dep kútilýde.
