Qaraǵandy oblysynda shahtada eńbek etken maıdangerlerge qurmet kórsetildi
Shahtınsk qalasynyń qurmetti azamaty Nıkolaı Ionovıch Chıryshev bıyl júz jasqa toldy. Jeńis kúni qarsańynda Uly Otan soǵysy ardageriniń úıinde «Shahtınskaıa» shahtasynyń ókilderi qonaqta boldy.
Soǵystyń bastalýyn Nıkolaı Chıryshev Latvııada qarsy aldy.
Ol jerde ásker qatarynda qyzmetin ótep jatqan. 402-shi artıllerııalyq polk quramynda Ortalyq jáne birinshi Belorýs maıdandarynda urys qımyldaryna qatysty.
Máskeý úshin shaıqastarda, Kýrsk doǵasynda, Berlındi alýǵa qatysqan. Jáne bir de bir jaraqat almaǵan. II dárejeli «Otan soǵysy», «Qyzyl Juldyz» ordenderimen jáne medaldarmen marapattalǵan.
Demobılızatsııadan keıin Perm oblysynda turdy, al 1962 jyly Qazaqstanǵa, Qaraǵandy oblysynyń Dolınka kentine qonys aýdardy.
«Karagandınskıı» sovhozynda jáne kómir kásiporyndaryna qyzmet kórsetetin Dolınka avtobazasynda eńbek etti.
Bir ǵasyr ǵumyr keshken ardager ózin tamasha sezinedi. Onyń aıtýynsha, bul jaman ádetterden aýlaq bolý men rýhtyń myqtylyǵyna baılanysty.
Beıbit ýaqytta kómir ónerkásibinde jumys istegen Uly Otan soǵysynyń taǵy tórt qatysýshysy «ArselorMıttal Temirtaý» AQ kómir departamenti men kásipodaq uıymynan quttyqtaýlarǵa ıe boldy.
Ardagerlerge aqshalaı syılyq pen gúl shoqtary, sondaı-aq olardyń jeke portretteri usynyldy.
Ivan Vasılevıch Şerbının Qıyr Shyǵys maıdanynda soǵysqan. Saranda 1960 jyldan beri turady. MTQB bazasynda qurylys-montajdaý basqarmasynda jumys istedi.
Vıktor Andreevıch Shelýdıakov maıdanǵa 16 jasynda óz erkimen ketken. Baılanysshy boldy. Ekinshi Baltyq maıdanynda qyzmetin ótedi.
Maıdangerdiń jaýyngerlik erlikteri ǵana emes, sonymen qatar kómir ónerkásibindegi 63 jyldyq úlken eńbek ótili bar.
Saran geologııalyq barlaý partııasynda, kómir qabattary burǵylanǵan taý-ken jumystarynda kishi geolog bolyp jumys istedi.
Sodan keıin uzaq ýaqyt «Soıýzshahtoosýshenıe» basqarmasynda jumys istegen, sol jerden qurmetti demalysqa shyqty.
Nıkolaı Grıgorevıch Rasskazımov - eki soǵystyń ardageri: Uly Otan soǵysy jáne keńes-japon soǵysyna qatysqan.
Al soǵystan keıingi búkil ómirin zeınetkerlikke shyqqanǵa deıin Jańa Maıqudyq ATP-da jumys istedi.
Aleksandr Ilıch Balabas 95 jasta. Ol shahterler áýletiniń ókili.
Onyń ákesi Ýkraına men Ýraldaǵy shahtalarda, al soǵystan keıin Qaraǵandyda I.A. Kostenko atyndaǵy shahtada jumys istegen.
Demobılızatsııadan keıin Aleksandr Balabas ta jumysqa ornalasqan. Aldymen marksheıderlik bólimge taý-ken jumysshysy, sodan keıin G. V. Plehanov atyndaǵy Máskeý ınstıtýtynyń syrttaı bólimin bitirip, «Qaraǵandykómirsbyt» basqarmasynyń josparlaý bóliminiń bastyǵyna deıin kóterildi.
