Qaraǵandy oblysynda senbilik barysynda 7 myńnan astam aǵash pen buta egiledi
QARAǴANDY. QazAqparat - Qaraǵandy oblysynda búgin qalalar men aýyldardy jasyl jelektendirip, sanıtarlyq tazalaý, abattandyrý boıynsha jalpyoblystyq senbilik ótýde, dep habarlady oblystyq ákimdiktiń baspasóz qyzmetinen.
«Jalpy oblys boıynsha senbilik barysynda 7 myńnan astam aǵash pen buta otyrǵyzý josparlanyp otyr», - delingen habarlamada.
Aǵash egýge oblys ákimi Baýyrjan Ábdishev qatysty. «Qaraǵandy Arena» muz aıdynynyń gúl baǵynda 100 sibir shyrshasy egildi.
«Mundaı senbilikter - bul memlekettik is. Árbir adam kóktem kelisimen óz úıin tártipke keltiredi. Qaraǵandy - bizdiń ortaq úıimiz jáne ol soǵan sáıkes laıyqty abattandyrylýy tıis», - dep atap ótti óńir basshysy.
