Qaraǵandy oblysynda saıat qusyn salatyn úzdik bapkerler anyqtaldy

QARAǴANDY. QazAqparat - «Uly dala murasy» atty saıat qustary jáne ıtpen ań aýlaý boıynsha halyqaralyq týrnıriniń nátıjeleri belgili boldy, dep habarlaıdy QazAqparat oblys ákimdigine silteme jasap.

Baıqaýdyń júlde qory - 2,5 mln teńge. Týrnırdiń qorytyndysy boıynsha eń Úzdik búrkitshi Jambyl oblysynan kelgen Serikbolsyn Jalǵasuly boldy. Ekinshi oryndy Atyraý oblysynan Arman Qoshqarov ıelendi. Úzdik úshtikti Nur-Sultan qalasynyń turǵyny Serikbek Kúntýǵan túıindedi.

Úzdik suńqar salýshy ańshy ataǵy Almaty oblysynan kelgen Medet Shálipovke berildi. Bul nomınatsııada Qyrǵyzstannan kelgen Túgelbaı Ábdiqadyrov kúmis júldeni ıelendi. Al úshinshi oryn Atyraý oblysynyń turǵyny Erasyl Serikbekke buıyrdy.

Eń jyldam qarshyǵalar Qyrǵyzstannan kelgen Ábdirasul Qýatov, Mańǵystaý oblysynan Erjan Saharbaı jáne Jambyl oblysynyń turǵyny Berikbolsyn Babajandiki boldy. Birinshi oryndy Pavlodar oblysynyń turǵyny Bekbolat Ysqaqov ıelendi. Esterińizge sala keteıik, jarys Shet aýdanyndaǵy Aqsý-Aıýly kentiniń mańynda ótti. Jeńiske jetý úshin ulttyq sportshylar 8 jáne 9 qarasha kúnderi baq synasty.Eske sala ketsek, baıqaý Qaraǵandy oblysynyń Aqsý-Aıýly kentiniń mańynda ótkizildi. Іs-shara Sáken Seıfýllınniń 125 jyldyǵyna oraılastyrylǵan jáne «Rýhanı jańǵyrý» baǵdarlamasynyń aıasynda uıymdastyryldy.