Qaraǵandy oblysynda sanıtarlar adam kóp jınalatyn 2,6 myń oryndy baqylaıdy
QARAǴANDY. QazAqparat - Tótenshe jaǵdaı rejimi Qaraǵandy oblysynda tórtinshi kún jumys isteýde. Osy ýaqyt aralyǵynda birde-bir aýrý anyqtalǵan joq, dep habarlaıdy QazAqparat tilshisi.
Statsıonarlarda 148 adam karantınde jatyr. Oblysta úı karantıninde 19 adam, 331 – baqylaýda, 273 – qashyqtyqtan baqylaýǵa alynǵan.
Qaraǵandy oblysynda koronavırýs ınfektsııasymen aýyratyn naýqastardy emdeýge, juqpalylarǵa arnalǵan 300 tósek jáne 48 reanımatsııalyq tósek bar. 770 provızorlyq jáne 1 325 karantın orny ashyldy. Barlyq juqpaly jáne karantındik bólimsheler dári-dármektermen, medıtsınalyq maskamen, dárigerlerge arnalǵan qorǵanysh kostıýmimen tolyq jabdyqtalǵan.
Respýblıkalyq bıýdjet esebinen óńirde 36 ókpeni jasandy jeldetý apparaty, 48 monıtor, 52 aspırator, -114 perfýzor, 96 pýlsoksımetr, 8 fıbrobronhoskop, EKMO apparaty, 100 teplovızor jáne 857 birlik jeke qorǵanys quraly satyp alyndy.
Demeýshilik qarajat esebinen koronovırýspen aýyratyn naýqastardy tasymaldaý úshin eki kapsýla satyp alyndy.
Sanıtarlyq dárigerler adamdardyń jappaı jınalatyn 2 661 ornyn baqylaıdy. Býtık, dúken, dámhana jáne basqa da mekeme ıelerine «Pandemııa kezeńinde Qazaqstan Respýblıkasynda koronavırýs ınfektsııasynyń ákelinýi men taralýyna jol bermeý jónindegi sharalardy kúsheıtý týraly» 1649 qaýly taratyldy.
Kásipkerlerge aldyn alý-dezınfektsııalyq is-sharalardy ótkizý týraly 2721 jadynama tabys etildi.
Іs-qımyl kezinde Qaraǵandy oblysynda 473 nysan jabyldy. 12 kınoteatr, saýda-oıyn-saýyq kesheni janyndaǵy 44 balalar oıyn alańy, 167 mektepten tys qosymsha bilim berý uıymy jáne basqa da oıyn-saýyq oryndary jumys istemeıdi. Sanıtarlyq rejim 1971 obektide kúsheıtilgen.
Shirkeýge, meshitke, sınagogaǵa jáne soborǵa kelýshilerdiń sanyn shekteý usynylǵan.
Óńirde azyq-túlik qory jetkilikti. Qoımalarda jáne turaqtandyrý qorynda 66 myń tonna un, qant, jarma, kúnbaǵys maıy jáne kókónis bar. Bul bir aıǵa jetedi. Oblysqa azyq-túliktiń úzdiksiz jetkizilimi jalǵasýda.
Kartop baǵasynyń ósýine jol bermeý úshin turaqtandyrý qorynan ıntnrventsııa júrgizile bastaldy.
Vokzaldar men avtostantsııalarda únemi dezınfektsııa júrgiziledi. Sondaı-aq avtobýstar men marshrýttyq taksı salondary óńdeledi.
Oblys ortalyǵynda kún saıyn dezınfektsııalyq eritindilermen aıaldama pavılondary, ýrnalar men oryndyqtar óńdele bastady.
Óńirdiń barlyq oqýshylary men stýdentteri qashyqtan bilim alýǵa kóshirildi. Joǵary oqý oryndarynyń, kolledjder men mektepterdiń oqytýshylary jalaqyny shyǵynsyz jáne shegerýsiz alady.
