Qaraǵandy oblysynda sandyq tehnologııalar aýrýhanalar men emhanalardyń jumysyn ońtaılandyrdy
QARAǴANDY. QazAqparat - Sıtýatsııalyq ortalyq Qaraǵandy oblystyq densaýlyq saqtaý basqarmasynyń negizinde jumys isteıdi, salalyq aýrýhanalarda onyń bólimsheleri qurylǵan.
Ortalyqtyń shtatynda bez qyzmetker bar. Olar medıtsınalyq mekemeler men dárigerlerdiń jumysy týraly aqparatty qadaǵalap, óńdeıdi, dep habarlaıdy óńir ákimdiginiń resmı saıty .
Ortalyqtyń jumysymen búgin oblys ákimi Erlan Qoshanov tanysyp qaıtty.
- Biz jańa KMAJ aqparattyq júıesimen jumys isteımiz, - dedi sıtýatsııalyq ortalyqtyń jetekshisi Evgenıı Şerbov. - Bul júıe árbir medıtsınalyq mekemeniń barlyq derlik jumys aspektilerin baqylaýǵa múmkindik beredi. Biz belgili bir mamanǵa kirý úshin kezekte qansha ýaqyt kútetinin, kómek surap kelgender sanyn jáne olardyń dıagnozyn kóre alamyz. Bul aqparattyq barlyǵyn bizdiń sarapshylar óńdeıdi jáne alynǵan málimetter negizinde medıtsınalyq mekemeniń reıtingin jasaıdy. Keshendik medıtsınalyq aqparattyq júıe (KMAJ) Qazaqstanda, «Damý» aqparattyq tehnologııalar ortalyǵynda jasaldy. Qazir ony Qaraǵandy obysynyń aýrýhanalary men emhanalarynyń jumysynda sátti paıdalanýda. Júıe aımaqtyń barlyq densaýlyq saqtaý júıesiniń jumysyn avtomattandyrýǵa múmkindik beredi».
2014-shi jyldyń qarashasynda júıeni Qaraǵandy oblysyna ilki joba retinde engizgen bolatyn. Ony jan-jaqty 2015-shi jyly júzege asyra bastady. Búgingi tańda Qaraǵandy obysy - Qazaqstan boıynsha KMAJ tolyqqandy jumys isteıtin jalǵyz ǵana aımaq.
Qazirdiń ózinde naýqastardyń elektrondyq kartasy júrgiziledi, elektrondy rejimde dárilerdiń retsepteri, zerthanalyq zertteýlerdiń qorytyndylary beriledi, onlaın-konsılıýmdar ótkizilip, dıagnostıka jasalady. Júıe emhanalarda elektrondy kezek engizýge, dárigerlerdiń qanshalyqty jumysbasty ekenin baqylaýǵa, árbir naýqasqa ýaqyt jáne dármek jumsaýdy ashyq etýge múmkindik týdyrdy.
Sonymen qatar dárigerlerge jáne densaýlyq saqtaý basqarmasynyń sarapshylaryna arnalǵan baǵdarlamamen qosa, Qaraǵandy oblysynda patsıentterge arnalǵan «DamuMed» mobıldi qosymshasy engizildi. Ony AppStore nemese PlayMarket arqyly smartfonǵa júktep alýǵa bolady. Sondaı-aq qosymsha arqyly dárigerge qaralýǵa jazylýǵa bolady, «SOS» pernesin basý arqyly jedel járdem shaqyrýǵa da bolady. Munyń barlyǵyn tek óz atyńyzdan ǵana emes, balalaryńyz ben qart ata-analaryńyzdyń atynan da jasaýǵa bolady. Ol úshin ózińiz irkelgen emhanada otbasy músheleriniń málimetterin qosymshaǵa engizý týraly ótinim tastaý kerek.
Aımaq basshysy oblysta bul jańa júıeniń jyldam engizilgenin atap aıtty. Sonymen qatar elektrondyq kezekter men mobıldi qosymshalar yńǵaıly bolmaıtyn qart emdelýshilerge erekshe kóńil bólýdi tapsyrdy
- Mamyrda bul júıeni engizý týraly sheshim qabyldanyp, qyrkúıekte tıisti kelisimshartqa qol qoıyldy. Qazirgi tańda júıe jumys istep tur, barlyǵy jedel túrde júzege asty, - dep atap ótti Erlan Qoshanov. «Alaıda qart naýqastarmen jaǵdaı qalaı bolmaq? Olar óte jıi emhanalarǵa kómek surap keledi. Jáne de olar úshin bul elektrondy júıe yńǵaısyzdaý bolady dep oılaımyn. Jańa júıeni barlyq patsıentter úshin qoljetimdi ári yńǵaıly etý úshin ne isteý kerektigin oılańyzdar».
