Qaraǵandy oblysynda sailau09 telegram-boty iske qosyldy

QARAǴANDY. QazAqparat – Qaraǵandy oblysynyń turǵyndary úshin Telegram-da sailau09_bot chat-boty (https://t.me/sailau09_bot) iske qosyldy, onda olar ózderiniń saılaý ýchaskesiniń mekenjaıy men nómirin bile alady. Aqparat JSN boıynsha qoljetimdi, dep habarlaıdy QazAqparat tilshisi.

Saılaýshylar tiziminde ózińizdi tekserýdiń birneshe ádisi bar. Ol úshin sailau09.kz arnaıy saıt (https://sailau09.kz/kk) jumys isteıdi jáne oblystyń elektrondyq qyzmetter portalynda aıdar (https://e-krg.kz/Services/Electa/CheckIIN) bar. Munda árbir paıdalanýshy JSN nemese jeke kýálik nómiri arqyly óz ýchaskesin taba alady. Sonymen qatar, barlyq qalalar men aýdan ákimdikteriniń saıttarynda «Saılaýshylar tiziminde ózińizdi tekserińiz!» qosymshasy qoljetimdi.

Aqparatty Senim109 Biryńǵaı dıspetcherlik qyzmeti de beredi. Internetke qosylý múmkindigi joq adamdar 109 nómirine qońyraý shala alady. Tek JSN-in aıtý qajet bolady. Senim operatorlary saılaý protsedýrasy boıynsha jeke suraqtarǵa jaýap beredi. Mysaly, basqa qalada, aýrýhanada, vahtada jáne t.b. qalaı daýys berý kerektigin bile alady.

Aıta keteıik, Qazaqstan Prezıdentiniń kezekten tys saılaýy 20 qarashada ótedi.