Qaraǵandy oblysynda reıstik avtobýsqa shabýyldaǵan qaskóı 9 jyldan keıin ustaldy
QARAǴANDY. QazAqparat - Qaraǵandy oblysynda 9 jyl buryn tas jolda reıstik avtobýsqa qarýly qaraqshylyq shabýyl jasaǵan kúdikti ustaldy, dep habarlady «QazAqparat» HAA tilshisi.
ІІD baspasóz qyzmetiniń basshysy Baqytjan Qudııarov habarlaǵandaı, 31 jastaǵy kúdikti 9 jyl izdeýde bolǵan. Ony Osakarov aýdany ishki ister organdary krımınaldyq polıtsııa qyzmetkerleri ustady.
«Quqyq tártibi» jedel aldyn alý sharasyn júrgizý barysynda qyzmetkerler 31 jastaǵy Astana turǵynyn ustady, ol 2008 jyly 8 qarashada Almaty -Ekaterınbýrg jolynda qarý qoldanyp, Astana-Saryǵash baǵyty boıynsha kele jatqan reıstik avtobýstyń jolaýshylaryna qaraqshylyq shabýyl jasaǵan. Jolaýshylardyń 5 mln teńgeden astam múlki urlanǵan edi», - dep habarlady B. Qudııarov.
ІІD baspasóz qyzmetiniń basshysy ustalǵan adam aıǵaqty dálel bergenin atap ótti.
«Kúdikti ÝUI-ǵa qamaldy. Tergeý júrip jatyr», - dep habarlady B. Qudııarov.
