Qaraǵandy oblysynda QR kod arqyly memlekettik uıymdardyń bıýdjetin bilýge bolady
Biryńǵaı platformada bıýdjet qarajatynyń jumsalýy týraly málimetter ornalastyrylady.
«Sybaılas jemqorlyqqa qarsy «Adaldyq alańy« jobasynyń aıasynda «Ashyq bıýdjetterdiń ınteraktıvti kartasy« platformasy quryldy. QR Sybaılas jemqorlyqqa qarsy is-qımyl agenttigi Qaraǵandy oblysynyń osy baǵyttaǵy jumysyn atap ótti. Onyń ishinde aqparattyq júıede uıymnyń paraqshasyna silteme jasaı otyryp, QR kod ornalastyrylǵan ǵımarattardyń qasbetterinde taqtaıshalardy ornatýǵa oń baǵa berildi», - dep habarlady «Saryarqa - adaldyq alańy» jobalyq keńsesiniń basshysy Málıka Kúsenbaeva.
Qazirgi ýaqytta kartada Qaraǵandy oblysynyń jalpy somasy 898,3 mlrd teńge 1 331 uıymynyń bıýdjeti ornalastyrylǵan. Munyń bári memlekettik organdar men bıýdjettik mekemeler.
Qaraǵandy oblysynda memlekettik uıymdar ǵımarattarynyń qasbetterinde QR kody bar 500-den astam taqtaısha ornalastyrylǵan. Bul bastama alǵashqy bolyp Saran qalasyna engizildi. Sodan keıin ol basqa aımaqtarǵa taraldy.
Málıka Kúsenbaeva onlaın rejımindegi apparattyq keńeste jobalyq keńseniń qyzmeti jáne sybaılas jemqorlyqqa qarsy monıtorıng týraly aıtyp berdi. «Saryarqa - adaldyq alańy» jobasy turmystyq sybaılas jemqorlyqty joıýǵa jáne azamattar úshin qolaıly jaǵdaı jasaýǵa baǵyttalǵan.
Memlekettik organdar jumystyń servıstik modeline kóshedi. Bul memlekettik qyzmetterdi alýdyń sapasy men jedeldigin arttyrýǵa múmkindik beredi.
Qaraǵandy oblysynyń qalalary men aýdandarynda qazirdiń ózinde «Oren ákimdik» 14 servıstik ortalyǵy jumys isteıdi. Aýyldyq okrýgterde 202 ózine-ózi qyzmet kórsetý buryshy qurylǵan. Osy aptada Saran qalasy men Aqtas kentinde servıstik ortalyqtar ashý josparlanyp otyr. Jeltoqsan aıynyń sońyna deıin taǵy úsheýi ashylady: Balqash, Buqar jyraý jáne Qarqaraly aýdandarynda.
