Qaraǵandy oblysynda psevdosalafızm jaqtaýshysy jaýapqa tartyldy

QARAǴANDY. QazAqparat - Psevdosalafızmniń ıdeology Daryn Mubarovtyń belsendi jaqtastarynyń biri zańsyz mıssıonerlik qyzmeti úshin jaýapkershilikke tartyldy, dep habarlaıdy «QazAqparat» HAA tilshisi.

Jýyqta ǵana ákimshilik aıyppulǵa tartylǵan Daryn Mubarovtyń shákirtiniń zańsyz qyzmetin Qaraǵandy oblystyq din isteri basqarmasynyń mamandary anyqtap, birden ákimshilik sotqa shaǵym túsirgen.

«Sot Ersaı Saılaýbaevty «Ákimshilik quqyq buzýshylyq» Kodeksiniń 490-baby, 3-bóligi boıynsha ákimshilik jaýapkershilikke tartyp, 70 AEK, ıaǵnı 158 830 teńge kóleminde aıyppul saldy», - dep habarlady Din isteri basqarmasynan.

Ersaı Saılaýbaev mıssıonerlik qyzmetti júrgizýge tıisti ruqsatynsyz «VKontakte» áleýmettik jelisine dinı aýandaǵy materıaldardy júktegen. QR Din isteri jáne azamattyq qoǵam mınıstrligi Din isteri komıtetiniń sarapshylary atalǵan materıaldardy Qazaqstan aýmaǵynda taratý zańsyz dep tanydy.

«Dinı qyzmet jáne dinı birlestikter» týraly Zańǵa sáıkes Qazaqstandaǵy mıısıonerlik qyzmet tek qana tirkelgen dinı birlestikter atynan ǵana júzege asyrylady.

«Ýaǵyz taratýshy adam óz jumysyn jergilikti organdardan tirkelgeni týraly arnaıy ruqsat alyp qana júrgize alady»,-dep habarlady basqarmadan.