Qaraǵandy oblysynda poıyzdaǵy 100-den astam adam evakýatsııalandy
ASTANA. QazAqparat - Qaraǵandy oblysy Nura aýdanyndaǵy úılerdi sý basý qaýpine baılanysty jergilikti turǵyndardy evakýatsııalaýǵa Qaraǵandy-OP27 (ótkeli) jáne Qaraǵandy-Nura baǵyty boıynsha 4 jolaýshylar vagony bólindi. Bul týraly «Jolaýshylar tasymaly» AQ baspasóz qyzmeti habarlady.
Birinshi baǵyttaǵy vagondar 11 saǵat 45 mınýtta keldi. Adamdardy jınap, jiberýmen jergilikti bılik organdary men TJ aınalysýda.
Jolaýshylar vagondarynyń jolserigi Galına Ryjova men Aıgerim Janaeva birinshi reıspen 98 adamdy, sonyń ishinde 45 bala men 53 eresekti alyp ketti.
Evakýatsııalanǵan adamdardyń kópshiligi jaqyn ornalasqan eldi mekenderdiń - Petrovka, Sarytóbe turǵyndary. Ekinshi baǵyttaǵy jolaýshylar vagony (Erlan Jarqynbaev pen Ashat Ryspek) turǵyndardy evakýatsııalaýdy jalǵastyrý úshin Nura stantsııasyna 14 saǵat 45 mınýtta jetti.
