Qaraǵandy oblysynda poıyz astyna túsken adam mert boldy
«2019 jylǵy 8 qańtarda Moıynty-Balqash ýchaskesinde Astana men Semeı baǵytyndaǵy №312 poıyzynyń mashınısi jol boıyndaǵy adamdy qaǵyp ketý qaýipine baılanysty poıyzdy shuǵyl toqtatý áreketin jasady. Ókinishke qaraı, toqtatý araqashyqtyǵy tym qysqa bolǵandyqtan, poıyz adamdy qaǵyp ketti. Zardap shekken adamnyń aty-jóni ázirge anyqtalǵan joq», - delingen habarlamada.
Mamandardyń atap ótýinshe, temirjoldyń boıy qaýiptiligi joǵary ekendigine qaramastan, adamdar bul eskertýlerdi kóbine eleı bermeıdi.
«2018 jyly temirjol jelilerinde jol apaty qaýpin aldyn alýdyń, júk jáne jolaýshylar poıyzdaryn shuǵyl toqtatýdyń 3 200 oqıǵasy tirkeldi. Oqıǵalardyń 90 paıyzynda lokomotıvtik brıgadanyń kásibı is-qımylynyń arqasynda keleńsiz jaǵdaılarǵa jol berilmedi. Atap aıtqanda, salmaǵy 6 myń tonnalyq júk quramy 60-80 km/saǵ jyldamdyqpen kele jatqanda, 600-800 metrden keıin ǵana toqtaı alady. ıAǵnı, poıyz quramynda kilt toqtaý múmkindigi joq», - dep eske saldy QTJ mamandary.
Temirjol boıynda jaraqat alýdyń basty sebebine toqtalsaq, adamdar relsterden ótken kezde qaýipsizdik talaptaryn elemeıdi. Sonymen qatar, arnaıy ótkelderde avtokólik júrgizýshileri tarapynan ereje buzý jaǵdaılary oryn alýda.
