Qaraǵandy oblysynda polıaktar óz agroqalashyǵyn qurmaq
«Qaraǵandy oblysynyń ákimdigi men polıak-qazaq saýda-óndiristik palatasy jáne jalpypolıaktik sharýashylyq palatasy shyǵys yntymaqtastyq komıteti arasynda «Agroqalashyq» ınvestıtsııalyq parki» jobasyn júzege asyrý týraly memorandýmge qol qoıyldy. Qol qoıý rásimine Qaraǵandy oblysynyń ákimi Nurmuhambet Ábdibekov qatysty», delingen habarlamada.
Elge shet el ınvestıtsııalaryn tartýda agrarlyq sfera basym baǵyttarynyń biri bolyp tabylady. Qazaqstandaǵy «Agroqalashyq» qurylysy týraly aqparat 2016 jyly sáýir aıynda Varshavada ótken Qazaqstan-Polsha úkimetaralyq komıssııa otyrysynyń sońǵy hattamasynda kórinis tapty», dep atap ótti oblys ákiminiń baspasóz qyzmeti.
Joba maqsaty - polıak ınvestorlaryn tartý arqyly aımaqtaǵy aýyl sharýashylyǵyn, saqtaý, óńdeý tehnologııalaryn damytý.
Aldyn ala baǵalaý boıynsha, jobanyń birinshi kezeńiniń quny shamamen 100 mln AQSh dollaryn quraıdy. Oǵan kókónis jáne jemis-jıdek ósiretin jylyjaı, ashyq plantatsııalar modeli, óńdeý zaýyttary, jáne qoımalar men tońazytqyshtar qurylysy kiredi.
«Sonymen qatar, polıak seriktester Polsha, Qaraǵandy bilim berý mekemeleriniń negizinde ǵylymı-oqytý ortalyǵyn qurý arqyly salynyp jatqan ónerkásipke mamandardy daıarlaý baǵdarlamasyn bir ýaqytta bastaýdy josparlap otyr», dep málim etti oblys ákiminiń baspasóz qyzmeti.
