Qaraǵandy oblysynda polıtsııa qyzmetin jabdyqtaýǵa 4 mlrd teńge bólinedi
ASTANA. QazAqparat - Qaraǵandy oblysynda bıylǵy jyly polıtsııa qyzmetin jabdyqtaýǵa jumsalatyn qarajat kólemi ulǵaıtyldy. Aldaǵy eki jylda ishki ister organdarynyń qajettilikterine shamamen 4 mlrd teńge bólinedi dep josparlanýda.
Ol jaıly aımaq basshysy Erlan Qoshanov oblystyq máslıhat sessııasy barysynda depýtattar aldynda jasaǵan esebinde málimdedi, dep habarlaıdy óńir ákimdiginińresmı saıty .
- Bizdiń ýchaskelik ınspektorlarymyz ben jol-patrýl qyzmetkerleri tıimdirek jumys isteı bastady, - dedi Erlan Qoshanov. - Sonyń arqasynda urlyq kólemi 20 %-ǵa, qaraqshylyq pen buzaqylyq 40 %-ǵa, qoǵamdyq jerlerdegi tártip buzýshylyqtar 7,1 %-ǵa qysqardy.
Bıylǵy jyly ishki ister organdary úshin 136 avtokólik, myńǵa jýyq vıdeotirkeýshi qurylǵylar men radıostantsııalar, sonymen qatar qarý-jaraq satyp alyndy.
- Bul jumys ári qaraı da jalǵasa beredi. Biz aldaǵy eki jylda shamamen 4 mlrd teńgeni ishki ister organdarynyń materıaldyq-tehnıkalyq qamsyzdandyrýyna baǵyttamaqpyz, - dedi oblys ákimi. 
