Qaraǵandy oblysynda polıtsııa bólimi basshysynyń orynbasary sottaldy

NUR-SULTAN. QazAqparat - Qaraǵandyda para alǵan polıtsııa bólimi bastyǵynyń orynbasary sottaldy, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

Qazaqstan Respýblıkasy Sybaılas jemqorlyqqa qarsy is-qımyl agenttiginiń Qaraǵandy oblystyq departamenti Buqar jyraý aýdanynyń Ǵ. Mustafın kenti polıtsııa bólimi bastyǵynyń orynbasary J. Musabekovke qatysty sotqa deıingi tergep-tekserýdi aıaqtaǵan bolatyn.

J. Musabekov A. Ámirbekovadan oǵan qatysty qylmystyq isti qozǵamaý úshin 300 myń teńge mólsherinde para alǵan.

3 shilde kúni Oktıabr aýdandyq sotynyń úkimimen J. Musabekovke 15 mln teńge mólsherinde aıyppul salyndy.

Sot aıyppuldy tóleý merzimin belgiledi. Eger aıyppul tólenbese, jaza bas bostandyǵynan aıyrý jazasyna almastyrylady.

Budan bólek, para alǵan polıtseı ómir boıy memlekettik qyzmette laýazym ıelený quqyǵynan aıyryldy.